عريس و أذى

السلام عليكم ماما نجية كيفك ان شاء الله بخير

شفت منام و في شي شفتو خايفة منو

بشوف بالبداية انو في وحدة تتصل لعنا اسمها منى
بعرف انها بدها تخطبني لابنها ..
تجي بدها تحكي مع أمي يفصل التليفون

المهم بشوف بعدين اني بالسوق وبقابل بنتين
يطلبوا مني ايجي معهن وبروح ع بتيهن
وبعرف انهن بنات هاي منى
و بعرف انهن جايين من سفر
وقاعدين ببيت وحدة من معارفنا

المهم بشوف اني رابطة شعري و مو مستعدة ليدخل العريس ويشوفني
وهو يفوت عالغرفة مو عرفان
كمان لابس بيجاما عريضة و يتفاجأ
يقولوا اخواتو شوف هاي العروس
بس انا بخجل كتييير وبصير بتخبا ما بدي ياه يشوفني
و بعدين بقول هو شافني ليش انا ما شوفو
فبشوفو و يطلع شب شوي أسمر بس يعجبني

و بطلع وانا عم اتفرج عليه وخجلانة
وانا و نازلة من الدرج بشوف معارفي اسمهن ليال ويسرى وبودعهن
المهم هون المنام عادي

بس يصير شي بعدين هاد خايفة منو

بشوف وانا نازلة من البناء
بشوفو يشبه بناء جدتي

المهم وانا نازلة بشوف رجال طالعة
وبينهن رجل عجوز قصير لابس أسود
واحد من الرجال يعطيني إشارة لأنتبه من العجوز
انا ما بفهمها تمام
بجي بنزل بلاقي العجوز صار بلزقي
و يمسكني ويوقعني خلال لحظة
ومعد يخليني اقدر اتحرك
و يجي ليأذيني وانا بخاف بس ما بقدر اتحرك نهائي
بسمع متل حدا بيقلي اذكري الله ليحميكِ
بصير بقرا و بذكر و بعرف انو الله حيحميني
و بالفعل يحاول يأذي ما ينجح و لما يتركني شوي بهررررب بسرعة

هاد المقطع يلي خايفة منو

وآخر المنام بشوف خالتي عاطيتني بلوزة لونها وردي وبلبسها

و بس .. وان شاء الله خير

وانا بنت 17 سنة حالتي الدينية منيحة الحمد لله