المكتبة فالمنام

السلام عليكم ورحمة الله وبركاته
اهلا بحضرتك ياماما نجية
انا انسة وبحضر ماجستير فالقانون وبحاول اقرب لربنا

حلمت خير اللهم اجعله خير
اني في المكتبة بتاعت الكلية ، بس المكتبة دي كأنه في اوضة نومي فالحلم
وكان في واحد واقف زميلي ايام الجانعة هو دلوقتي وكيل نيابة وماليش اي صلة بيه
كان واقف وبيجمع معايا الكتب اللي انا عايزاها
واداني كتابين

راح في ولد راحله وقاله انه عايز الكتاب اللي في ايدي ، فهو قاله في واحدة اخدته خلاص
رحت انا قلتله انا ممكن ادهيوله بس يرجعهولي ضروري بسرعة لاني محتجاه ممكن يجبهولي بكرة
فجه الولد ده عشان ياخد الكتاب واخده وسلم عليه زميلي اسمه "حسين " ولقيته بيباركله انه رايح عمرة وبيسلم عليه
فانا قلت ل حسين طب ده محتاجة لكتاب بالكتير بكرة

فقالي في منه نسخة تاني ، فقلتله لا انا ملقتش منه غير واحدة بس ، فقالي لا في نسخة تاني وقعد يدورلي عليه وصحيت قبل ما يجمعه

وكأن اللي كاتب الكتاب ده والد حسين

حسين ده كان زميلي ايام الجامعة مفيش بيي وبينه اي صلة وهو صاحب اخويا ، ووالده متوفي

حبيبتى ان شاء الله ربنا هيعلو قدرك وهتنجحى باذن الله وهتصلك اخبار حلوة قريبا وفيه شخص هيطلب منك مساعدته وانت هتحاولى ان شاء الله

المكتبة فالمنام

المكتبة فالمنام

رد: المكتبة فالمنام