جارتي وحلمها

ماما ازيك وكل سنه وانتي بخير ورمضان كريم
جارتي حلمت انها رجعت من القاهره وراحت بيتها في محافظه تانيه المهم ان جوزها اخد منها ابنها وكان فرحان انه شافه وقاله وحشتني وكان فرحان ولاقيت ضرتها قاعده علئ اخر درجه من سلم البيت  وكانت مهمومه وحاطه ايدها علئ خدها ولابسه جلابيه كموني وطرحه نفس اللون بس لافاها اي كلام وكان وشها مهموم خالص المهم دخلت جارتي عند شقتها وكانت كانها اوضه في البيت ولمت من هدوم ابنها عشان تحطها في شنطه تانيه كانها هتسافر تاني وكان في الشنطه فرده جزمه لبنوته وهي اصلا معاها ولد بس
واستغربت وقالت ممكن تكون لبنت جوزها من ضرتها المهم بعدها دخلت المطبخ ولاقيت كل حاجه في المطبخ مش نضيفه واستغربت لان ضرتها موجوده وكانت نضفت ولاقيت في الحوض حلل صاج احجام صغيره وكبيره بس متطبقه ومش نضيفه وفهمت انها بتاعت ضرتها وسمعت جوزها بيزعق مع ضرتها انها مش بتشتغل ومش طبخت وضرتها بترد عليه وبتجادل
وبعدها جارتي جوزها جالها وسمعته بيقول لواحده اسمها ام محمد روحي هاتي اكل عشان مراتي تتطبخه اخيرا هاكل وجارتي قالتله طيب هاتيه الخضار ياام محمد
وبعدها شافت ضرتها قاعده مكانها علئ اخر السلم وبتتكلم في التليفون مع اخوات جوزها وجوزها مستني يااخد التليفون يتكلم ويسلم عليهم وتقريبا يشتكي
يشتكي
جارتي ياماما عايشه في محافظه تانيه
وكانت متجوزه واحد مطلق وبعدها بفتره رد مراته عشان حماتها تنكد عليها وخلاص وجارتي احتسبت كله عند الله عشان البنت
وهي تتقي الله فيها ومصاحباها ضرتها