حلمت انى بصلى ولابسه خمار ابيض

انا حلمت انى قاعدة فالشارع وبصلى وقاعدة فى وضع التشهد ولابسه خمار ابيض
وان فى واحد انا اعرفه فى الحقيقه فعلا اسمه استاذ محمد
واقف قدامى بس على مسافه بعيده وبيوزع سنوتشات

وسمعاه بيقول للناس اللى حواليه انه عاوز يدينى نصيبى من السندوتشات

وجه وقرب ناحيتى وبيقسم السندوتش اللى فى ايدة علشسان يدينى نصيبى
وانا بردوا لسه بصلى ومش بصاله

انا انسه و
واستاذ محمد ف سن بابا اصلا وانا عرفاه لانه يبقى مشرف الرحلات اللى بطلعها
بس علاقتى بيه ف حدود جدا ومش واخده عليه
وانا كمان ف الحلم استغربت لانه بيدينى من السندوتشات اللى ف ايده
لانه هو بطبيعته لو لقى معايا حاجه هيكلها لانه بيحب ياخد مابيديش