كلاب .. و قصب السكر

من طرف lura الثلاثاء 9 يونيو - 16:15

مرحبا ماما نجية ان شاء الله تكوني بخير

شفت منام بعد صلاة الفجر وان شاء الله يكون خير

بشوف بالبداية انو مواجه بيتنا في متل جنينة ( بالحقيقة هو في )
و بلاقي جاية عليها ماعزتين وحدة سودا و التانية بيضا

بيجوا بياكلوا و بلاقيهن رففعوا راسهن و طلعوا صوت بشوف السودا هيك عملت
و بلاقي خواريف بعيدة بتجي كأنو نادوا لهن ليجوا ياكلوا من العشب و هيك

بتقول اختي يي هلأ بيوسخوا و هيك ناح البيت
بقلها يعني بدك تمنعيهن برأيك ؟

بلاقيهن ايجوا و كتار و كبار بس على مقدمتهن كلبين
كباار ولونهن ابيض و أسود و معهن رجال
بكون ماشية بوقع ادام كلب و تجي ايدي جوا فمو
انا بخاف وبجي بدي اسحبها بلاقيه بدو يسكر فمو
بس يجي الرجال يمسكو و بقدر طلع ايدي

بعدين نمشي بلاقي في كلبين كمان كبار لونهن سكري أو على زهر شوي
كبار و بفهم انو صاحبهن بدو يعطيني واحد منهن

بي الكلب يلي بدو يعطيني ياه يعاند و بدو يضل مع التاني
بحس أنه أخوة أو هيك و بنبسط بحس بوفاءو و ما باخدو
و بيكون في كلب أصغر كمان ابيض و اسود و هيك

بعدين .. بشوف اني ببيت ستي
جاية لعندها اختها ( مع انها مسافرة بالحقيقة )
اسمها قمر بشوفها مبسوطة و عم تحكي معي

بعدين بشوف عمي مهند معو قصب سكر كبير
و عم يقطع منو قطع صغيرة لتتاكل و بشوفو بياكلها مع غيرو و انها طيبة
وبيقولوا تعي كلي بس يمكن ما باكل

وبس ..
انا بنت 18 سنة
حالتي الدينية الحمد لله بحاول كون أحسن دائماً
والله يجزيكِ الخير

حبيبتى فيه ناس اندال هيتعرضوا لكم بكلام وممكن ياذوكم لكن هتجدوا من يقف بجواركم باذن الله وفيه رزق لكم من حيث لاتحتسبوا ان شاء الله

كلاب .. و قصب السكر

كلاب .. و قصب السكر

رد: كلاب .. و قصب السكر