تنضيف حمام.

السلام عليكم ياماما.

حلمت خير انى فى مكان وفيه حمام والحمام بتاعى وعوزاه يتنضف وطلبت من واحده شغاله عندى تجيب حد ينضفه وطلعت على كورسى ابص فوق التلاجه على فلوس لقيت زى ٢٠ و١٠ و٥ جنيه مطبقه وشوية فكه معدن اخدت الفلوس كلها والخمسه المطبقه وقلتلها هاتى مسحوق اريال وفجاه لقيت شاب اسمه رضا دخل نضفلى الحمام من غير ماحد يقوله ولا مقابل وخلاه نضيف خالص ولقيت على الاعده صينية فاكهه كبيره متقطعه وانواع كتير ومرسومه زى التورته ، وان رضا ده حيتجوز هوه وبنت وحيسافروا وانا قررت اجبلهم هديه ودخلت اجيب فعلا وكنت عاوزه اجيب ليهم حاجه مشتركه وكان فيه بنت جميله بساءلها وبتختار معايا الهديه وست كبيره بتساءلنى على جوزى بقولها يومين وراجع قالتلى مش انتى من بيت كذا على بيت اهلى قلتلها اه قالتلى جوزك مسافر بره انا قلتلها انتى حتشوفيه واتهربت منها وشفت بلح احمر بيتباع ساءلت الراجل بكام قالى ب ١١ جنيه.

جوزى ماءكد عليا مقولش للجيران انه مسافر بره علشان انا اعده لوحدى وحابب الكل يعرف انه موجود فى اى وقت.
رضا ده جارنا مليش اى علاقه بيه ممكن اشوفه فى الشارع وفى الحلم متجوز بنت اخته مش فامره اسمها.

انا بصلى الحمد لله وعندى بنوته سنه ونص وبدرس وجوزى مسافر.  ممكن ياماما توضحيلى التفاصيل جزاكى الله الجنه .