الصدقه في المنام

انا حلمت بليل على الفجر ان كان معايا حصاله كبييييييييره اووي قد المقلايه مثلا وكنت بغسل المواعين وطلعت ورقه كنت محوشه فيهم الفضه وكانو كتيير بتوع الصدقه ومستغربه لاني لسه امبارح طلعتهم في الحقيقه وبحطهم في الحصاله طلع اتنين من الفضه اكبر من الحصاله نفسها وحطيت الباقي وحطيت فيها حاجات من المطبخ مش عايزاها معلقه ومقلايه وحاجات من دي
ولقيتني بتكلم مع امل بنت خالتي وكاننا اصحاب .. وبعدها روحت انا وبابا واختي زي منتزه او نادي معرفش وشفت جوز خالتي من بعيد واحنا بنتمشى لقيت بنت محمد الزهار لوحدها وبتمشي انا اخدتها وكانت اموووره اوووي وابوها كان شايفنا

انا عودت نفسي اعمل كل يوم صبح اطلع فضه بنيه معينه واخر الاسبوع اطلعهم كل الفضه وامبارح رحت طلعتهم كلهم والصراحه قيمتهم قليله اووووووووي وطلعتها خلاص الحمدلله وامبارح في القيام تمنيت من ربنا يتقبلها وميحسبهاش بقيمتها
ودعيت بحاجات كتييير
بنت محمد الزهار انا مشفتهاش بس هي حوالي 10 شهور
انا وامل مش بنتكلم ولا احنا صحاب بالرغم من انها بنت خالتي بس هي مش كويسه لانها نقل الكلام والشغل ده

حبيبتى ربنا قال فى سورة البقرة (من يقرض الله قرضا حسنا يضاغفه له اضعاف كثيرة والله يقبض ويبسط واليه ترجعون) والصدقة هى القرض الحسن اما البسط هو السعة فى الرزق اما القبض هى الضيق فى الرزق وان شاء الله ربنا هيبسط عليك رزقك ويبارك لك اما باقى الرؤيا ففيه امل ان شاء الله ربنا هيحققه لك وفيه دنيا جديدة لك ورزق من حيث لاتحتنسبى ان شاء الله وربنا يبارك لك

الصدقه في المنام

الصدقه في المنام

رد: الصدقه في المنام