أصابع القدم اليمنى في المنام

من طرف lura الأربعاء 22 يوليو - 17:34

مساء الخير ماما نجية

كيفك ان شاء الله بخير

شفت منام و يا رب خير
بشوف بالأول أنو متل عم اتوضا بحمام
و بشوف عنا جارة و عم تستناني لتتوضى كأنو
المهم بشوف اني غلطت بالوضوء فبرجع بتوضى مرتين

و انا و بتوضى و بغسل رجلي اليميين
بشوف انو أصابع رجلي أكتر من عددها الأصلي !
بشوف كأنو أكتر ب2

انا بنصدم بروج لعند أمي بقلها أصابيع رجلي كترت ! و صاروا 7
بجي بورجيها بعدهن يطلعوا 10
كل أصبع في واحد تاني متلو و الجدد نازلين لتحت
بقلها لماما كيف هيك !
بتقول عادي الشخص لما يتقرب لله هيك بيصير
انا برتاح و بقلها انتي صار معك هيك من قبل ؟
قالت اي صار طلع 2 زيادة و بعدين راح لحالو
و بتقول : انو قالولها تقطعهن للزايدين إذا بدها بس هي ما رضيت

بعدين بشوف كأني صايمة و حيأذن المغرب
بلاقي نسوان قاعدة ع طاولات كأنو مطعم من القرايب
بشوف منهن بلشوا ياكلوا بفكر أذن
بفوت على متل بيت و فيه طاولة و سفرة و أكل كأنو بيتنا
وبشوف بابا و أهلي وهيك
بجي بحط أكل بتمي وبقول أدن صح ؟
يقولوا لا ما أدن
بروح ببصق الأكل عأيدي و بقول كيف
و بخاف كون فطرت يقول حدا لو ستك شافتك حتقلك فسد صيامك
بقول اي إذا فسد صار علي 20 يوم
بفكر كيف 20 !؟ كلهن 6 كيف صاروا عشرين و بتذكر اني صمت منيح

و بعدين بشوف تكملة بقلك ياها عالخاص لأنها محرجة شوي

شفت المنام بعد صلاة الفجر و كنت قارية قرآن و مصلية
وانا بنت 18 سنة و الله يجزيك الخير ماما نجية

حبيبتى فيه امر نفسك تنفذيه وهتاخذى وقت شوية لكن هتنفذيه باذن الله وهتصلى الى ما تريدى وهتصلك اخبار وهتترددى شوية وممكن تخلى فى مشكلة بس هتنتصرى وهتجدى انك صح وهتصلى الى ما تريدى باذن الله

أصابع القدم اليمنى في المنام

أصابع القدم اليمنى في المنام

رد: أصابع القدم اليمنى في المنام