باب وفستان ومياه مجاري

حلمت اني في بيت وبحاول اقفل الباب لان كان في هوا شديد برة واطفال شكلهم وحش جاين وعايزين يعضوني وكل ما اقفله يتفتح فخليت ماما تساعدني لحد ما قفلته خالص وبعد ما قفلته لقيت المطره مطرت وبعدين روحت لقيت فستان ازرق وكنت هلبسة لقيت كل العائلة عندي مش عايزني البسه وقعدو يقولو مش هيجي قدك والفستان ده مش بتاعك ده بتاع ياسمين .. ياسمين عايزة تلبسة (ياسمين دي قربتي) روحت انا خدته ولبسته واستغربت لما لقيته جه قدي وكان حلو اوي عليا بس كان قصير وفجاة بقى طويل وكان حلو اوي وعمالة اقولهم بصو ده حلو وطلع قدي وكلهم كانو عايزين يقلعوني الفستان بس انا مرضتش وفضلت لابساه ولبست جزمة سودا وخرجت وسبتهم جت معايا واحده قريبتي وكانت عايزة تعدي ع مواسير وتاخدني معاها انا مرضتش وقولتلها بلاش .. راحت عدت راحت المواسير انفجرت مياه مجاري والست دي قريبتي غرقت فيها وانا جريت لحد محطه قطارات وكنت خايفة قطر يدوسني بس الحمدلله عديت ووصلت المحطة

انا عزباء
الحالة الدينية : الحمدلله بحاول التزم اكتر
الحالة النفسية : متوترة وسيئة
علاقتي باللي في الرؤيا: كلهم اقاربي وياسيمن قربتي والست اللي غرقتك تبقى بنت خالي وهي ارملة

حبيبتى فيه موضوع هينفتح وهتناذى منه لكن هتحاولى قفله وهيصعب عليك لكن ماما هتساعدك وهيقفل فعلا وفيه عريس هيتقدم والعائلة هترفضه وهترشح واحدة تانية لكنك هتصرى عليه وهتخطبى له وفيه واحدة كانت هتوقعك فى مشكلة لكن ربنا هينجيك باذن الله وهتصلى الى ما تريدى وربنا يستر على بنت خالك

باب وفستان ومياه مجاري

باب وفستان ومياه مجاري

رد: باب وفستان ومياه مجاري