طفلين و شعر أحمر

من طرف lura الثلاثاء 8 سبتمبر - 16:50

مرحبا ماما نجية كيفك ان شاء الله بخير

شفت منام و ان شاء الله يكون خير
ممكن بعضو أضغاث بس ما بعرف

شفت بالبداية اني ببيت ستي
وصاير متل خناق أو مقاتلة بغرفة الجلوس
ما بعرف مين يلي بيتقاتلوا بس في واحد عم يقاتل شخص بعرف انو مو منيح
الشخص المو منيح حيهزمو فبنقول لازم يجي حدا يساعدو
بيجي شخص بالفعل و بيعطيني طفل و بيروح ليقاتل
الطفل عمرو شي سنة ونص

بحبو كتير وبحس كأني بعرفو من قبل
أبيض و شعرو أسود و بيجنن
بحملو و بشوف معي صحن صفيحة ( عجين وعليها لحم )
و بدي طعميه ياها
بس بخاف هداك الشخص المو منيح يشوفو فما يخليني طعميه
لهيك بخبي الصحن تحت خزانة

وبروح ناح غرفة ستي وانا حاملة الولد
بلاقي ولد تاني أشقر نايم على كرسي أطفال
يأشر عليه الولد يلي شعرو أسود
بقلو اي هاد ولد صغير متلك
فبيفتح عيونو و بيمد أيديه بقوم بحملو بأيدي التانية كمان
وبروح والولد الأشقر بشرتو بيضا و حلو بس بحب أبو شعر أسود أكتر

بروح عالمطبخ وبشوف بدي طعمي الولد الشعرو اسود وانا كتير كتير حاببتو كأنو أخي او ابني

بعدين مقطع تاني بالمنام

بشوف حالي ببيت ما بعرف لمين
المهم كأنو صاير فيه حفلة أو كأنو عيد

بشوف خالتي بسمات بسلم عليها وببوسها

بعدين بشوف ايجوا كأنو بنات حماها وهيك
وبشوف ايجت وحدة اسمها ميس
بتقعد جنب خالتي برجع بسلم ع خالتي مرة تانية وببوسها
بعدين بسلم على ميس و ببوسها
بشوفهن عم يحكوا عن بنت أخوها اسمها لينا
أنو مأذية برجلها بمدري شو

وفعلاً بلاقي لينا أيجت وبشوفها نفسها
بجي بسلم عليها بتكون قاعدة بتوقف
بس بشوف شكلها اتغير
شعرها صار قصير لعند اكتافها تقريبا
و لونو أحمر ! مع انو بالحقيقة أشقر
هنن عندهن وراثة بالشعر الأحمر
فبقلها كيف صار شعرك هيك
بتقول بعد ما قصيتو طلع لونو هيك
وهي عاجبها و عاجب عماتها بس انا بلاقي قبل أحلى

المهم و هي عم تمشي بلاقيها عم تشحط رجلها
بقول لأختي صح شوفيها عم تعرج
بقلها لينا ليش عم تعرجي
ما بتسمعني بقول هي مو بتعرج عم تشحط و برجلها اليسار
وبتكون لابسة ملابس مرتبة أنو عيد و هيك
بس برجلها لابسة شبشب للشطف
بقول ليش هيك لابسة لبس حلو و برجلها هيك
وقت شوفها مشيت و بتشحط بعرف

و بس

و لينا عمرها 17 سنة اتزوجت من شهرين
و ما سمعت انها حملت لسا

وانا بنت 18 سنة

والله يجزيكِ الخير ماما نجية

حبيبتى هتمرى بحبة نكد وهت[b]كبرى الامور شوية وفيه فرحة وبس[b]مة جمي[b]لة لك باذن الله اما ب[b]نت خالتك عندها حب[b]ة ضي[b]ق[b] والله معها[/b][/b][/b][/b][/b][/b][/b]

طفلين و شعر أحمر

طفلين و شعر أحمر

رد: طفلين و شعر أحمر