حجاب وبيت اخويا.

السلام عليكم ياماما.

حلمت حلم ليه تلات اجزاء.

، الاول انى فى مكان وفيه علب تونه ونضيفه اوى وبجنيه الواحده وقلت حشترى كتير التونه حلوه وبتشبع وبتحافظ على الوزن اشتريت عشره او مش فاكره بس كتير وفيه بنت هيه اللى بتبيع واخدت منها.

الجزء التانى انى فيه واحد ابنه توفا منعرفهوش وزى ماما عاوزه تعزى وهوه بيبى اللى توفا، وكنت فى بيت اخويا وكان واسع وفيه دور تانى وسلالم ومراة اخويا بتشرب شاى وبتاكل بسكويت وطلبت حجاب عطتنى بس معجبنيش ببص فى المرايه لقيت نفسى لبست حجاب ابيض ومظبوط وحلو اوى ، ودخلت المطبخ عند اخويا لقيت عمة مراة اخويا واقفه زى حطتبخ وفيه لحمه كتير اوى من جميع الاصناف وكلاوى وكانت متلجه وبتطلها من الاكياس واخويا كنا اعدين فى اوضة صالون وكان بيقول جناكل لحمه شرايح وكل الانواع .

الجزء التالت انى فى مكان عالى يخوف ومش عارفه مخرج وخايفه اوى وفجاه لقيت بنت صغيره مشتنى ولقينا زى زوحليقه ونزلت قدامى عادى وانا كنت خايفه ونزلت وكنت فرحانه انى لقيت مخرج هيه قدامى وانا وراهه.


انا بصلى الحمد لله جوزى مسافر وعندى بنوته ، اخويا مرتاح ماديا عنده بنوته بيبى وعمة مراه اخويا معندهاش اولاد وست طيبه ، كنت نايمه مهمومه . ان شاء الله قربت اسافر بس مش عارفه لسه يوم ايه.

ماما جزاكى اللهةخيرا وضحيلى بالله عليكى.


ممكن المشرفه تكبر الخط . جزاكى الله خيرا.

شكرا ياماما . ربنا يجازيكى خير.