حلم لأمي ...

من طرف lura الخميس 1 أكتوبر - 17:02

مرحبا ماما نجية
كيفك ان شاء الله بخير

أمي شافت منام ويا رب خير

بتشوف أنو كأنو الدنيا رمضان و بتروح عند خالتي ضياء
بتلاقيها قرب يأذن المغرب و هي عم تعمل الفطور ومو مخلصة شي لسا
عاملة شاكرية ( لبن و لحمة ) بتقوم أمي بتجي عالسريع عم تطبخ وبتعمل معها الرز و البرغل
وبتقلها بنعطمي الرجال وبعدين نحنا بناكل مشان عالسريع
وخالتي عم تطلع عليها على مهلها بتقول أمي بقلبها انو ساعديني بسرعة

بعدين مو متذكرة انو بياكلوا او هيك شي

بس بتشوف بعدين انها نايمة هي وأبي
و بعدها بتحس حدا قلها بأدنها أنو اختك عندها شك بالعدالة ( بتفهم أمي انو عندها شك بعدالة ربنا _ استغفر الله _ )

بعدها فاقت

و رجعت نامت شافت منام مرة تانية
وبتشوف انها ببيت ستي وقاعدة معها ومع خالتي
وبتقلها المنام الأول يلي شافتو
بتقلها خالتي مزبوط عندي هالشك وما عم اقدر اتغلب عليه

بعدين بتشوف خالتي التانية بسمات قاعدة بتقلها كأنو في ريحة بيض عالكنبايات
بعدين بتشوفها بتقوم هي وخالتي ضياء عم يشطفوا الصالونات ببيت ستي كأنو قرب العيد
و بتشوف خالتي بسمات ماسكة فرشاية عم تحف بتقلها هدول فراغات من الرخام

بعدين بتجي بدها تنام بيقولولها نامي بتقول لا حأشطف المطبخ
وبتشوف واجهة المطبخ أكبر من العادة و حاطة عليها غازين كبار بيض و واجهة المطبخ حلوة مع الغاز

وبتشوف انها عم تشطفو و تحفو وبتشوف مرت أخوها هبة معها عم تشتغل
بعدين بتشوف عم تدور على موبايلها بدو يجي أبي ياخدها

وبس

و خالتي ضياء ظروفها صعبة وفي مشاكل دائما مع زوجها وبيت حماها
وهي انحلت مشكلتها من 10 ايام و هلأ راجعة من جديد

والله يجزيكِ الخير ماما نجية

حبيبتى امك هتصل الى ما تريد ان شاء الله وهتقف بجوار خالتك وعلى خالتك الرجوع الى الله والتوبة له وفيه فرحة قريبة لامك وربنا هيزيل همومها وهيصلح حالك خالت ضياء ان شاء الله

حلم لأمي ...

حلم لأمي ...

رد: حلم لأمي ...