حلم لأمي 2

مرحبا ماما نجية كيفك ان شاء الله تمام

أمي شافت منام ليوم ويا رب خير

بتشوف أنو ببيت ستي ( أمها )
انها متوفية و بتشوف انها كتير زعلانة و مقهورة
و بتشوف كأنو أول يوم عزا
و عم تضبضب بالبيت وفي غسيل عم تطويه
وبتشوف خالاتي قاعدين و متضايقة منهن
بتقلهن قوموا ساعدوني ما حدا عم يساعد

و بتقول بحالها انو لو كانت أمها موجودة ما بتترك البيت إلى على أتمو

و ببيت ستي في صالون هي مو متذكرتو بالمنام
و العزا بدو يصير بغرفة القعدة بس كل شي بالعادة بيصير بالصالون


بعدين بتشوف هبة مرت أخوها عم تساعدها شوي بالضب
و بتشوفها معلقة بدلتها البيضا تبع عرسها
بتقلها امي قيميها ضبيها

و بتشوف ابوها انو عايش ( هو بالحقيقة متوفي )
و كأنو بدو يبقى لحالو و هي عم تقول كيف حيضل لحالو بلاها
مع انو بالحقيقة بالعكس

بتشوفو متضايق و زعلان

بعدين بتشوف ستي واقفة بتعرفها ميتة بس كأنو متل حضور جاية و عم يعانقوها
بتشوفها واقفة مع أخي كريم صغير و بتقول ستي لكريم كأنو ابنها انو مين بدو يعتني فيك هلأ و هيك
مع أنو امي واقفة معو

بعدين بتشوف عم تنضف الحمام العربي و الممر
بس بتشوفو مو نضيف ولا مرتب متل الحقيقة

و بتشوف كأنها لابسة شبشب أصفر و عم تنضف
و هي عم تنضف بتشوف بيطلع من الشبشب سائل أصفر جامد
و بتشوف أنها عم تشطف و تنضف و بتشلحو

وبس

و ستي عايشة ست كبيرة
و جدي الي متوفي من زمان

و امي بالمنام عم تفكر انو هلأ لمين بدها تصير تحكي و مين يكون معها و هيك

وا لله يجزيكِ الخير ماما نجية