حلم طويل اوى يارب خير

اللهم صلى و سلم و بارك على سيدنا محمد صلى الله عليه و سلم

حلمت انى ف مكان انا بصراحه مش فاكره ده ايه و كان معايا بنوته صغيره بس ماشيه على رجلها يعنى عندها 3 سنين كده و شوفت مرات خالى ف الحلم كانت موجوده و كأن حصل خناقه و انا كنت خايفة على البنت اوى بعد كده الخناقه خلصت و عرفت ان ف حد اتعور بصراحه الجزء ده مش فكراه اوى اما بعد كده فكراه كويس جداالبنت الصغيرة مبقتش موجوده ف الجزء ده من الحلم و بعد ما عرفنا ان ف حد اتعور جابو دكتور الدكتور ده ف الواقع الدكتور بتاعى اصلا و انا بصراحه معجبه بيه المهم و هو خارج بعد ما عالج الى اتعور انا كنت واقفه ف مكان و عماله احط حاجات ف اكياس وواقف ورايا واحده الواحده دى ف الواقع بعيد عن الحلم دكتوره شغاله معاه و انا عارفه انها بتحبه لكن هو الله و اعلم نرجع للحلم البنت دى كانت واقفه على يمينى و على شمالى كأنها اثنين مش واحده وانا كمان بلم الحاجات كان ف جريده لقيت صورتها فيها استغربت لكن مقلتلهاش عشان مش واخده عليها و هى كانت واقفه ساكته خالص بس حواليا وف ظهرى المهم و هو خارج راح سلم عليا و بعدين مشى خطوتين و راح قالى يبقى تعالى مينفعش تقطعى العلاج كده و انا فعلا بعيدا عن الحلم بقالى كتير مروحتش بعد كده طلع السلم و انا واقفه بردو بعبى حاجات ووقف و راح قالى على فكره كلمه و قال كلمه انجليزى مش فكراها بتكتب كده مش كده الى فهمته ساعتها اننى كأتى كنت بعتاله رساله و كتبت فيها كلمه كتابتها غلط بس انا قولتله مش فاهمه كل ده و هو فوق على السلم راح بصلى و قالى مش هينفع ف ناس موجوده بصيت ورايا لقيت البنت الى قولت لحضرتك عليها الى هى الدكتوره الى شغاله معاه و بتحبه اول ما البنت دى مشيت راح نزلى السلالم جرى بمعنى الكلمه و قالى على تصحيح الكلمه روحت انا قلتله ايه ده يعنى انا الى كتبته ليه معنى تانى خالص و روحت قولتله بس انت مردتش على الرساله ليه ده انا بقولك بطمن عليك راح قالى بهذار و انا مالى انت عيزانى ارقص لك يعنى انا استغربت من الكلمه و ابتسمت و سكت و بعد كده طلع السلم تانى و قبل ما يمشى رجع خطوه كده وهو فوق قالى على فكره تامر حسنى عيد ميلاده النهارده روحت ضحكت و قولتله و ماله كل سنه و هو طيب و راح مشى مشوفتهوش ف باقى الحلم مره تانيه بعد كده ماما راحت جت و لاقيانى مبسوطه و من طريقتها فهمت انها شافت الى حصل و راحت قالتلى انا مش عارفه دماغ الصعايده دى ايه رغم ان هو بعيدا عن الحلم مش صعيدى بعد كده لقيت ماما لابسه فردة شبشب متهيألى اسود قولتلها ده بتاعى راحت ادتهولى و لقيت واحده تانيه لابسه فردته التانية بس انا معرفهاش بس خدت فرده الشبشب منها و لبست الشبشب و كأننا راحين النادى و مسكين حاجات كتير و راحت مرات خالى بتقول مين هيسوق العربيه دى بس دة كلام انا مشفتش عربيات قولتلها انا رغم انى بعيد عن الحلم مش بعرف اسوق راحت قالتلى ما بلاش روحت قولتلها لا العربيه دى بعرف اسوقها كويس .انا اسفة جدا على الاطاله بس حاولت احكيلك بالتفصيل

انا انسه - ملتزمه الحمد لله

حبيبتى رؤيتك فيها اطغاث كثيرة عموما فيه رزق لك من حيث لاتحتسبي والدكتور هيكون لطيف معاك بس مش واضح جواز منه عموما فيه خطوبة لك قريبة ان شاء الله وربنا يحقق املك

انا اسفة يا ماما انى بزعج حضرتك بس يعنى ايه هيكون لطيف معايا ياربت تفهمينى قصد حضرتك و كلمه مش واضح جواز منه يعنى الحلم بين ان مليش نصيب معاه ولا مش باين ف الحلم فيه نصيب ولا مفيش انا اسفة على الاطاله بس ارجوكى فهمينى

حبيب[b]تى مش واضح فى الرؤيا ان كان فيه زواج ام لا[/b]

حلم طويل اوى يارب خير

حلم طويل اوى يارب خير

رد: حلم طويل اوى يارب خير

رد: حلم طويل اوى يارب خير

رد: حلم طويل اوى يارب خير