يارب اجعله خير

ازيك يا ماما انا حلمت انى اعده ف شقتنا القديمه ولابسه قميص نوم اسود طويل دخل شاب و قالى ازيك عامله ايه قولتله انت تعرفنى قالى انت نستينى قولتله انا فاكره شكلك بس مش مجمعه الاسم راح قالى ان اسمه عمر و انا افتكرته ف الحلم رغم انى معرفهوش ف الحقيقة لكن ف الحلم لما فكرنى بنفسه افتكرته و كان بيكلمنى و هو زعلان او كانى كنت وحشاه بعد كده قالى دى ماما بره قولتله طب انا هروح اسلم عليها كل ده ف بيتى للعلم طلعت بردو بنفس قميص النوم و روحت اسلم عليها و كان متهيالى مع مامته باباه و اخته لكن انا ركزت مع مامته عشان هى كانت مش طيقانى ف الحلم ف حجره الصالون كان اعد خالى و مراته و مامتى كانت معاهم عشان كده شورت من بعيد للولد ده و مامته و قالتلهم اهلا و سهلا ثوانى و جيالكم و كانت مشغوله انها بتقدم اكل لخالى و مراته انا روحت لماما ف حجره الصالون راحت قالتلى خدى ورد و اديه لمامت الولد قولتلها اجيب ورد منين قالتلى خدى ورد صناعى حتى من الفازه اخدت ورده طلعت كبيره اوى اوى و متفرعه لورد صغير و لونها احمر و فعلا روحت قدمتها لمامت الولد ده راحت ابتسمت و بان انها ارتاحت من ناحيتى شويه ف اثناء و انا بكلمها ببص عل المرايه لقيت صرصار كبير اوى واقف عليها روحت روحت لماما و قولتلها هنعمل ايه ايه الاحراج ده راحت ماما قالتلى لازم نموت الصرصار من غير الضيوف ما تاخد بالها و الحلم خلص و احنا بنفكر نموت الصرصار ازاى اسفه جدا جدا على الاطاله.انا انسه مخلصه جامعه مش بشتغل كنت نايمه زعلانه اوى ملتزمه ف الصلاه الحمد لله

طب معلش يا ماما انا كنت بعمل استخارة على شخص هو الحلم ده كده نتيجة الاستخارة ووقف استخارة على كده ولا اكمل