صلاة و قراءة قرآن في المنام

مرحبا يا ماما نجية يا ب تكوني بخير

شفت منام من يومين وان شاء الله خير

بشوف انه متل كأنه بدها تصير حفلة بنت خالتي علياء
وكأنا انخطبت و يلي خطبوها اتقدموا لها قبل بس ما صار نصيب
مع هيك بشوف بالمنام كأنو رجعوا و صار النصيب

بشوف بنت خالتي مستعجلة و هيك بقلها ليش مستعجلة انتي لبستي ؟
بتقلي اي و بلاقيها لابسة فستان خمري عندها ياه فبقلها لا تستعجلي انا لسا ما لبست

بعدين بشوف متل بيت ستي وبغرفة الجلوس في 2 نسوان ما بعرفهن
واحدة بتصلي وواحدة بتقرا قرآن
فبفكر انو كأنو غرفة الجلوس هي هلأ للصلاة و هيك
و بيكون بالغرفة في من مقرايبي نسيت مين المهم عم يحكي و يعمل ضوجى
وانا يقلهن لا تضوجوا عم تقرا قرآن وتصلي
ما بيردوا
فبلاقي يلي عم تقرا قرآن قامت و طلعتهن من الغرفة وهي سمرا وشعرها اسود مو طويل
بقلهن شفتوا كيف


بعدين بشوف متل كأنو بيتنا القديم
وبشوف اني بدي الحق الصلاة و مستعجلة ما بعرف ليه
و بشوف اني بصلي جنب الحمام
يعني في ممر و فيه الحمام انا بصلي بالممر مواجهة للحمام بس باب الحمام مسكر
و القبلة بصلي غير قبلة بيتنا القديم عكسها بس هي زي بيتنا الجديد
بشوف قبل ما صلي ايجا ابن خالتي بدر ( هو مسافر )
بشوفو لابس أسود و كأنو معو سلاح بفهم انه واقف حارس
بيقلي مين انتي ؟
انا ما بتضايق كأنو غطا الصلاة ساترني و بقلو بصوت عالي ومتل منفعلة : انا لجين الفلاني ( مع الكنية )

فهو بيضحك كأنو عرفني و بيروح
وبصلي المغرب و العشا سوا
ما بعرف لو كنت بقضي المغرب او بصليهن سوا مش عارفة

وبس
و انا بنت 18 سنة
حالتي الدينية الحمد لله بحاول كون أحسن
و النفسية الحمد لله

بنت خالتي علياء مو مخطوبة
بس الجماعة يلي ايجوا ليخطبوها قبل ما ركزت الخطبة لما شافها العريس
فما بظن يرجعوا تاني ولهيك استغربت

و ابن خالتي بدر اخوها و هو اعزب كمان و بشتغل ببلد تاني من زمان

وبس

والله يجزيكِ الخير