حفلة في المنام

من طرف lura السبت 16 يناير - 23:21

مرحبا يا ماما نجية كيفك ان شاء الله بخير

شفت اليوم منام و يا رب خير
بعضه أظن أضغاث بس استغربت شي حابة اعرفه منك

بشوف أني كأني بمدينتي القديمة يلي تركناها
بشوف أبي كأنو طالع من الشغل
واقف بالساحة وانا بطلعة بنزل
وبقلو إذا بدك بابا سيارة خالو فوق ليوصلك
بيقلي اي وبعرف كأنو سيارتو مو بعيدة كتير بس بيروح مع خالي
بنطلع بتكون السيارة بمكان بيت قديم كان النا من زمان و بعناه
و نركب و يوصلنا و بعرف كأنو بدو يوصلنا على بيتنا يلي تاركينه
و بكون معنا بالسيارة بنات خالي بيان وبسمات و أخي أحمد

المهم بشوف بعدين كأني بغرفة بنت خالتي
و اني بلبس فستان بسرعة لونو زهور و أسود عندي ياه بالفعل
بس بشوف حالي مستعجلة
وبعدين بشوف خالي وصلنا على حفلة
و نحنا بفهم انو مو عاملين حسابنا نروح عليها يعني فجأة
يعني بنات خالي لابسين عادي بنطلون و كنزة
وانا لبست الفستان عالسريع
بس هالحفلة مكانها كتييير حلو
كأنو مكان قديم أثري بس محطوط فيه طقوم كنبايات مرتبة كتيييير
و البيت مرتب كتير
بشوف عروس مو كبيرة لابسة بدلة بيضا

و بشوف بعدين عروس تانية لابسة لبس عادي كنزة و تنورة
بس حاطة طرحة بيضا
وبتسلم عالناس
بشوف انو نحنا عم نسلم عالناس و هيك
بس بلاقي حالي لابسة عالفستان تحتو أحمر
و كندرة لونها سكري ( شايفتها بالواقع )
سكري على بيج تقريباً
و كولون متل فيزون أبيض

انا بتضايق كتير بقول هالفستان لازمو الكندرة السودا
و لازمو تحتو شفاف
و بشوف خالتي بسمات بقلها إذا أمي جاية بقلها تجيب لي الكندرة و الاغراض
و بشوف بعدين بنسلم عالعروس
وبقلها مبروك تقلي عقبالكون

العروس ما بعرفها
بس بشوف بالحفلة شوية ناس بعرفهن و فيهاا كتير نسوان

و بنت خالي بيان مخطوبة
و انا يلي مستغربتو يا ماما اني كل فترة بشوف حلم حفلة و هيك
وبشوف اني دائما متلبكة يعني مرة بيكون شعري مو راكز
و مرة الفستان ناقصو كندرة و كل مرة بشوف امي مو مهتمة فيني مع انها بالواقع اكتر بتهتم فيني
و بشوفها ما بتسأل كتير عني
و هالمرة شفت هيك فيا رب يكون خير

و انا بنت 18 سنة و الله يجزيكِ الخير يا رب

حبيبتى الجزء الاول حديث نفس اما الجزء الثانى ان شاء الله هتخطبى مثل بيان قريبا

حفلة في المنام

حفلة في المنام

رد: حفلة في المنام