الدجاج في المنام

مرحبا ماما نجية

كيفك ان شاء الله بخير

شفت منام يوم الجمعة ويا رب خير

بشوف بالبداية اني رايحة مع عمي كأنو وبنفس الوقت مع أبي يمكن
بالسيارة وانو رايحين لعند خالة أبي اسمها قمر وعند بناتها

اول شي نوصل أختي بعرف عندها درس دين
بس بنوصلها على مكان غير يلي بنروح عليه بالعادة
المهم بنروح نحنا عهداك البيت
البيت مو كتير كبير ومو متل بالواقع
المهم بشوفهن بنات خالة أبي متضايقين
وبعرف انو عندهن عزا
كأنو حدا ميت لهم او هيك شي

بس عازمينا
ويفردوا سفرة مرتبةة
طاولة طويللة
وتجي بنت هي بتقربهن بس مو من بناتهن
بس بشوفها كأنو من بناتهم
اسمها تيما عمرها شي 15 او 16
المهم بشوفها بس أحلى من الواقع بكتير

وبتجي هي بتحط لنا الأكل
وبيكون كبسة رز وجاج
بس باكل وكتير طييبة

بعدين بشوف اختي ايجت
بقلها شو مو على أساس في درس؟
بتقلي طلعت مخربطة الدرس بـ5 ايار واليوم 1 أيار
بقلها يلا من حظك مشان تجي لهون

بعدين بشوف البيت صار كأنو بيت ستي ابتسام
ونفس الشي الطاولات بس البيت أكبر من الأول
وبشوف طاولة بالصدر أصغر شوي
بس بلاقي جابوا صحن كبيير فيه كبسة ويحطوه عليها
و على وشه فخد خروف كبيييير ومطبوخ
بقول يا سلام شو هاد ؟!
بقرب بلاقيه دجاجة بس كبيييرة وكااااملة
حتى مع راسها ومطبوخة وبتشهي وبشوف كأنو فيها شوية ريش لسا كمان بس شكلو مو مقرف
بشوف مرت خالي هبة عم تسكب الها
بقلها اسكبي لي ما بقدر شوف راس الدجاجة وانتبهي تحطي لي عينها
تقلب الجاجة وبتاخد اللحم من بطنها بس قطع كبيييرة وظرييفة
وبتحطها بصحني وصحني كبير وفيه رز منيح وبتحط جاج منيح كمان
وبشوف خالتي بسمات موجودة

ويمكن باكل مو متأكدة
بعدين بشوف بروح عالمطبخ بشوف خالي حامد
كأنو قاعد فوق بالسقيفة )بس بالمنام مكانها مختلف )
ونازل نصو منها وبحكي معو مدري شو ( وهو مساقر هلأ بالواقع)
وبشوف بنت خالي بيان قاعدة بالمطبخ كمان

وبس
وانا بنت 19 سنة والله يجزيكِ الخير يا رب