حلم بعد استخارة

السلام عليكم ماما نجية

كيفك ان شاء الله بخير

مبارح صليت استخارة قبل النوم
وشفت منام مو متذكرة كلو بس حقلك يلي متذكرتو
وهي الاستخارة مشان بدي قدم لشهادة بس خايفة يكون فيها غلط
وبدي احكي مع بابا فيها بس خايفة ما يوافق

فصليت اللاستخارة حتى الله يختر لي الخير

وشفت بالمنام بالبداية اني ببيت ستي سهام
بشوف اني بصلي المغرب عندها
وبعدين بشوف شخص بعرفو راسلي متل كلام مزح على موقع
وبشوف منو بأيديي متل 3 وراق اختبار إنجليزي وحاتط عليه علامة 10 من 100
انا بضحك وبقول لحالي لا انت غلطان لأني بعرف اني منيحة بالانجليزي وبجيب منيح فيها
وبشوف رسمة راسمتها فيها سما زرقا وهيك كأني باعتها له ومع الاوراق محطوطة
المهم بشوف بعدين وحدة من الاوراق مقصوص منها وبعرف انو اخي كريم
بقلو لبيش قصيتها !
يقلي ما كنت عرفان فيها كتابة
بقول لا تعيدها بس منيح مو مأثرة عليها

بعطيهن لماما بقلها تضبهن وكأنها بتحطهن بالحمام او هيك
وبكون ما بدي ياهن يشوفوها حتى ما يفكروا غلط

بس بعدين بشوف متل كأنو جرس بيت ستي سهام خربان
وأخي بيقلها كيف طريقة تصليحو وشو لازم يعمل
بجي أنا بمسك متل وصلة الكهربا تبعو
بفوتها وبزبطها وتركز معي وبحطها بالكهربا ويرن الجرس
بقول اتصلح معي! بس كأنو صوتو مو تمام
بشوف بابا بيقلي لا منييح وبيكون مبسوط اني صلحته

بعدين بشوف بقول لماما بلحق صلي العشاء
تقلي لا بدنا نروح هلأ عند ستك ابتسام بتصلي عندها
بس بكون اتوضيت وبقول طيب بصلي عندها

وبشوف عند ستي سهام متل بخاخ معطر او هيك
بعرف انو تركوه قرايب لنا قبل ما يسافروا
يجي بابا يبخ بس تطلع ريحته مو كتير حلو ويرجعو

وبس
وبتذكر من بين المنام انو بنمر ع حاجز للجيش
وبس هيك مو متذكرة الباقي

وانا بنت 19 سنة
وهاد الشخص يلي بعت لي الاوراق اسمو عامر
بعرفو ع موقع عالنت بس ما بيننا هيك حكي ولا مزح ولا بعرفو بالواقع

والله يجزيكِ الخير ماما نجية