وصفه سهله جدا للى شعرها هايش وبيقع

من طرف Admin الأحد 7 سبتمبر - 17:52

السلام عليكم

يااحلى واجمل اخوات فى الدنيا

وحشتونى اوى

وصفه سهله جدا للى شعرها هايش وبيقع Smiley-smile

انا مش هكتر من الكلام علشان عارفاكوا خلقكوا ضيق اليومين دوول بسبب سواسن اللى بتدخل هنا

كل واحده فيكوا شعرها بيقع اوى وبالخصل وفروه راسها بتوجعها وريحه شعرها مش اد كدة ومكتوم ومقصف

تدينى بئة الاول تقييم حلو كدة علشان كله يستفاد

الاول نروح للمقادير سهله اوى اوى وف كل بيت على فكرة ان شاء الله ...

1_ علبتين زبادى جهينه ساده ب 2 جنيه
2_ معلقه صغيره سمنه بلدى اه سمنه بلدى
3_ معلقه صغيره كريم براشوت الازرق او اى كريم بتستخدميه لشعرك

4_ كيس حمام كريم بوناويل المعروف طبعا ب 4 ج

ملحوظه..

العلبتين زبادى للشعر اللى مش طويل اوى ولا قصير اوى يعنى زودى الكميه حسب طول او قصر شعركالطريقه ...

هاتى طبق سلستين ماتقوليش طبق بلاستيك لا سلستين ولازم علشان ما يضيعش المفعول بتاع كل واحد وتكون النتيجه احسن امزجيهم ببعض كويس اوى

نرجع تانى للاول معلشى

الاول تاخدى الدش بتاعك عادى جدا وبعدين تغسلى شعرك تمام ومش تمام معناها انك تشديلى فيه لحد ما نصه يتوكل على الله ويتفسح فى السيفون وتطلعى من غير نص شعرك

ملحوظه..
االافضل تستخدمى لمده 6 شهور نوع شامبو واحد مش كل اسبوع نوع علشان بيأثر على شعرك ..

غسلتى شعرك كويس ودلكتى فروة راسك بصوابعك مش ضوافرك هاه ونشفيه كويس بالفوطه برفق اوى وبعدين هاتى الخلطه اللى قولتلك عليها فوق

ادهنى منها كويس اوى ف فروة راسك كويس اوى وطروف شعرك كويس جدا علشان شعرك بيتنفس من الطروف وطول ما طروف شعرك تمام ومش مقصفه شعرك كله هيتعدل من جوة فروة الراس كمان

ملحوظه..الافضل تسرحى شعرك بمشط خشب قبل الدهن علشان لما تيجى تغسليه مايبقاش ملبد

بعد مادهنتيه تمام وبقيتى شبه القرعه زي حالاتى كدة لما كنت عاملاه والله كان فاضلى بس اشيل الحلق من ودنى وكنت هبقى غبى منه فيه

تلميه كدة لفوق واعمليه كحكه وبعدين هاتى ايشارب واربطى دماغك ياسلام على الريحه اللى هتهف عليكى والله جميله اوى وبعدين سيبيه بتاع نص ساعه او ساعه بالكتير وقومى اغسليه بميه فتره كدة وانتى بتغسليه كدة استغفرى ربنا بدل مانتى قاعده ساكته ومستنيه النتيجه وقولى

سبحان الله البديع
سبحان الله البديع

بعدين بئة هاتى فوطه نضيفه وناعمه ونشفيه برفق اوى ماتشديش فيه وروحى على اوضتك هاتى الكريم بتاع شعرك حطى حته صغننه اوى وسرحيه ولفيه وتانى يوم فكيه وشوفى النتيجه ازاى وتعالى حطى رد فى الموضوع هنا او تقييم او دعوة

فايدتها ..

1_ تنعيم الشعر
2_ زوال هيشان الشعر وطروفه
3_ تعطى رائحه للشعر جميله
4_ لو فى قشره هتروح مع تكرار الوصفه
5_ عدم وقوع الشعر
6_ فروه راسك مش هتوجعك زى ماكنت بتوجعك وتحرقك من القشر

بالله عليكم تجربوها مش هتخسروا حاجه وادعولى وقيموا الموضوع بالله عليكم علشان كله يستفيد

بحبــــكم فى اللــــــه

لا الـــــه الا اللـــــه... محمـــد رســــــول اللــه

من طرف بوسى123 الأحد 21 سبتمبر - 22:28

شكرا ليكى ..وصفه سهله ممكن نجربها

من طرف Admin الإثنين 22 سبتمبر - 12:37

الشكر لله يابوسى انتى اللى مشجعانى على المنتدى ده هههههههههههه

المنتدى دمه خفيف مش عارفه ليه ماحدش ببدخل ..معلش شويه كده وهيتملى ان شاء الله

من طرف Admin الثلاثاء 23 سبتمبر - 12:25

هههههههههههه يارب الفرج من عندك يارب هههههههههههههههه بيدخلوا لماما نجيه ب س لاحلام ويجروا هههههههههه

ايوة فعﻻ بس حتى ماحدش كتير بيكتب احﻻم هنا .كله بيكتب فى القديم ..عموما انا ممكن اكتب شويه احﻻم هنا ماهى اﻻحﻻم كتيرة بس المهم انها تتحقق ..اوقات فعﻻ احﻻمى بتتحقق حصلت معايا خﻻل السنه دى يمكن 10 احﻻم اتحققوا ..اﻻ اﻻحﻻم بتاعت بنتى مش راضيه تتحقق ابدا لﻻسف ..يارب تتحقق بقى يارب

من طرف Admin الثلاثاء 23 سبتمبر - 20:54

بوسى123 كتب:ايوة فعﻻ بس حتى ماحدش كتير بيكتب احﻻم هنا .كله بيكتب فى القديم ..عموما انا ممكن اكتب شويه احﻻم هنا ماهى اﻻحﻻم كتيرة بس المهم انها تتحقق ..اوقات فعﻻ احﻻمى بتتحقق حصلت معايا خﻻل السنه دى يمكن 10 احﻻم اتحققوا ..اﻻ اﻻحﻻم بتاعت بنتى مش راضيه تتحقق ابدا لﻻسف ..يارب تتحقق بقى يارب

طيب قوليلى هى بنتك عندها كام سنه وملتزمه ولا عادى ؟؟
بصى انا هقولك حاجات تمشى عليها وبأمر الواحد الاحد هتفرحى بيها قريب بأمر الله ربنا حنين اوى وكريم بصى خليها فى اليوم تقرأ سورة يس اكتر من مره فى اليوم وتقرأها بتمعن وخليها تستغفر ربنا كتير جدا جدا وانتى كمان استغفرى كتير اوى بنيه ان ربنا يفرح قلبك ببنتك وياسلام بقى لو اتصدقتوا بحاجه بسيطه ودعيتى بعدها بزوج صالح لبنتك وهى كمان تعمل كدة وقبل ماتنام تصلى كل يوم ركعتين قبل النوم شكر لله وتدعى وهى ساجده وانتى كمان اعملى كدة وخليها تصلى الصلاه فى اوقاتها وطول ماهى بتنام على السرير خليها تستغفر وتصلى على الرسول عليه الصلاه والسلام وتكون نايمه كل يوم على وضوء والله العظيم بأمر الله العظيم هتلاقى ابن الحلال جى بس قبل ده كله خلى عندكم يقين وامل بالله عز وجل ان العريس جى قريب وهتتخطب فهمانى؟؟ ربنا قال انا عند ظن عبدى بى لو خلينا ظننا بالله خير هناخده وربنا يكرمكم يارب ويفرح قلبك بفرحه تدمع لها عينك وتشوفى احفادك كمان يارب وهما عرايس وعرسان ويملوا عليكى البيت يارب بس خليها تمشى على اللى بقولك عليه ده انتى وهى وربنا يتقبل يارب ويسعدنا كلنا

شكرا عاى اهتمامك ..الحقيقه انا بقالى سنه ونص بادعيلها على طول وباصلى القيام احيانا وباستغفر وباتصدق و بادعى بظهر الغيب للبنات وبادعى فى اوقات اﻻستجابه وفى السجود وداومت فترة سورة البقرة كل يوم وكمان ختمت المصحف اكتر من مرة الشهور اللى فاتت و ندرت حاجات كمان ..بصراحه من اﻻخر ماخليتش بس ربنا لسه مش ارادش .الحمد لله على كل حال .وطبعا بنات كتير بيعملوا كده واكتر بس معاد اﻻستجابه ده ماحدش يعرف امتى فيه واحده تدعى شهرين تﻻته ويحصل النصيب وواحده تفضل سنتين تﻻته ربنا يفرجها ع الكل يارب

من طرف Admin الأربعاء 24 سبتمبر - 12:49

بوسى123 كتب:شكرا عاى اهتمامك ..الحقيقه انا بقالى سنه ونص بادعيلها على طول وباصلى القيام احيانا وباستغفر وباتصدق و بادعى بظهر الغيب للبنات وبادعى فى اوقات اﻻستجابه وفى السجود وداومت فترة سورة البقرة كل يوم وكمان ختمت المصحف اكتر من مرة الشهور اللى فاتت و ندرت حاجات كمان ..بصراحه من اﻻخر ماخليتش بس ربنا لسه مش ارادش .الحمد لله على كل حال .وطبعا بنات كتير بيعملوا كده واكتر بس معاد اﻻستجابه ده ماحدش يعرف امتى فيه واحده تدعى شهرين تﻻته ويحصل النصيب وواحده تفضل سنتين تﻻته ربنا يفرجها ع الكل يارب

ان شاء الله حببتى فرج ربنا قريب اكثروا بس من الاستغفار والصلاه على الرسول عليه الصلاه والسلام وان شاء الله ربنا يفرج عننا كلنا ويفرح قلب اهالينا يارب

بصي انا باذن الله هستخدمها وهقولك علي النتيجه وشكرا ليكي

من طرف Admin الأحد 14 أغسطس - 12:11

منتظره تبشريني ❤️

من طرف ثريا الإثنين 7 أغسطس - 12:47

شكرا جزيلا لكي

من طرف elrayek الأربعاء 4 أبريل - 11:59

شكرا على هذه الوصفة الرائعة

وصفه سهله جدا للى شعرها هايش وبيقع

وصفه سهله جدا للى شعرها هايش وبيقع

رد: وصفه سهله جدا للى شعرها هايش وبيقع

رد: وصفه سهله جدا للى شعرها هايش وبيقع

رد: وصفه سهله جدا للى شعرها هايش وبيقع

رد: وصفه سهله جدا للى شعرها هايش وبيقع

رد: وصفه سهله جدا للى شعرها هايش وبيقع

رد: وصفه سهله جدا للى شعرها هايش وبيقع

رد: وصفه سهله جدا للى شعرها هايش وبيقع

رد: وصفه سهله جدا للى شعرها هايش وبيقع

رد: وصفه سهله جدا للى شعرها هايش وبيقع

رد: وصفه سهله جدا للى شعرها هايش وبيقع

رد: وصفه سهله جدا للى شعرها هايش وبيقع

رد: وصفه سهله جدا للى شعرها هايش وبيقع