منام عن مسافرين ومشفى

مرحبا ماما نجية كيفك ان شاء الله بخير

شفت منام ليلة لحميس ان شاء الله خير ومو أضغاث

بشوف بالأول كأنو نحنا بعزيمة عاملتها خالة أبي اسمها زهور (وهي بالواقع مسافرة)
ولعزيمة مرتبة وفيها أكل منيح وفي بيتزا ورز ودجاج وهيك وانا بكون عم باكل

وبتجي خالة زهور لتقعد بتكون متحممة وجاية وبشوفها صارت أصغر من عمرها وأحلى وشعرها صار أفتح
وبيكون في قرايب بلعزيمة وبفهم كأنو عمي مهند بدو يعمل عزيمة بعد بيوم كمان
وحيكون فيها 4 أصناف منوعة من الرز ولدجاج
( وعمي مهند كمان بلواقع مسافر)
وبعرف كأنو كتير قرايب بدهن يعملوا عزايم

بعده مقطع تاني بشوف أني رايحة على مشفى
بس بكون رايحة على مشفى ببلد تاني بالأردن كأنو لعلاج يلي بدنا ياه مو موجود ببلدنا
وانو في حدا مريض بدو يتعالج بس ما بعرف مين تمام
وبنكون بدنا نروح على مشفى بعمان بس بترتفع حرارتو كتير لهيك بنروح على مشفى بمدينة عالحدود
بنفوت علمشفى وبنقعد بغرفة الانتظار
بكون مع أمي وكأني أنا بدي أتعالج بس ما بشوف أني فيني شي
بس بشوف بعدها ايجا رجل ومعو ولد تعبان بيكون الرجل حامل الولد


وما بعرف شو بيصير بعدها بس بشوف كأنو رجعنا
وبقول لأمي شفتيه هاد الولد
بتقلي اي بس بنات بنت خالتك أحلى


وبس

والله يجزيكِ الخير يا رب