استخارة و حلم

السلام عليكم ماما نجية

كيفك ان شاء الله بخير

انا مبارح عملت استخارة
جاييني عرض زواج و انا محتارة كتير
الشخص عرفت عنو شوي
بس أهم شي دينو ما بعرف عنه كتير
غير أنو قالوا منيح
ومع انو لسا ما صار شي وبنسأل
بس حبيت اعمل استخارة من أول
و بعد الاستخارة عرفنا انو في شي بالشكل مو مناسب الطول
انا ما بيفرق معي بس امي قالت مو مناسب

المهم بقلك شو المنام

هو طويل بس فيه مقاطع يمكن أضغاث ويمكن في تفسير

شفت بالبداية اني بأرنة حلوة كتيييييير
بحيرة و معها نهر كبيرة و جبال خضرا و هيك

وبلاقي 3 أشخاص عم تغرق يمكن من قرايبي
و بيجي شخص مو متأكدة يا أما ابن خالتي يا أما هالشخص بينقذ ابن خالتي

المهم بيجي بيأنقذ الكل وهو بيجي ليغرق متل ضحى بحالو
بقوم أنا فورا بسحبو وبطلعو بقول لا

و بينفذ

بعدين بشوف متل زورق بخت كبير بحس ما فيه ناس
بس بشوف واقف بالمقدمة عليه الرئيس بشار ويمكن معه زوجته
وبشوف انا واقفة على طرف بشوف الجبال وهيك

وبعدين بشوف انو نازليت من مول و صرنا بمتل نفس منطقة بيتنا القديم
ما في أضوية كتير و عتمة شوي
انا وعيلتي عم نمشي تجي أمي توقف ناح محل حرامات
بقلها بابا ما وقف خلينا نلحقو نلاقيه وقف ادام محل تاني نفس الشي حرامات
تجي امي بدها تفوت تلاقي المحل صغير نضل برا
بقوم بلاقي ايجت بنت عمرها شي 9 سنين
معها شوية مصاري
انا بخاف تكون سرقتهن من جيبتي
بحط أيدي بجيبتي بلاقي لسا في
بقلها من وين هالمصاري
بتقلي بابا عطاني ياهن و هنن 70 ليرة 5 عشرات و 20
بقول لا هاي أكيد تبعها مو سرقة
بعدين بلاقي وقع منها مصاري بجيبتي
بقلها متأكدة ما نقصك شي
تعدهن تقول لا
بقول معناتها متخيلة انو ايجا بجيبتي مع انو بحس انو فات

بعدين بلاقي هالبنت حاطة 3 حلق بكل أدن
اول وحدة قصيرة و التاني أطول والتالتة أطوول و بالتدريج

بلاقي أطول حلقة ح توقع تمسكها أمي وتحاول تفوتها
بس ما بتقدر بلاقي ايجا شاب انو هو أبوها
بياخد الحلقة من أمي وهو بيفوتها

بعدين

بشوف انو نحنا ببيت ستي
و بدنا نروح بابا جاية ياخدنا
و ستي بدها تروح معنا مع أنو من زمان ما راحت معنا _ شوية مشاكل
عم تلبس و رايحة و انا بروح بسلم على خالي و مرتو
بروح عند مرتو أول اسمها هبة
بسلم عليها و تبوسني وبتقول انتي بدي بوسك عشر بوسات
وبالفعل بتبوستي عشر بوسات من وشي وانا مو متضايقة بالعكس مبسوطة
بعدين بيجي خالي بيضحك و بيقول انا كمان و بيبوسني بمزح متلها هو بيحب يمزح معنا اسمو حامد

بعدين بروح لألبس حتى نروح
بجي بدي أليس جراباتي بلاقي حاطة محرمة على رجلي اليسار
وبعرف انو فيها جرح ما بدي ورجيه لحدا
ف بلبس الجرابات فورا وبلبس الخفافة وبشوف لو مبين أو لا بقول مو كتير

و بنجي بدنا ننزل

بلاقي نازلين نفس درج خالتي بسمات
و لما نوصل على باب البناء
بيكون ليل وبلاقي ولد عمرو شي سنتين فايت ومعو كأنو بيبع محارم
وبلاقي بعدين فاتت أختو عمرها شي 10 سنين
و بدها تفوت أمون
بلاقي بنت خالتي اسمها علياء بتقول انو ستي قالت ( ستها بتعطي دروس دين متل شيخة )
قالت ستها انو هاي المرأة وقت تشوفوها اهربوا منها و لا تقربوا عليها

فنحنا بنهرررررب
و بطلع بلاقي نفس درج ستي و طالعين
بلاقيها هالمرأة عم تمشي على مهلها ونحنا بسرعة بس عم تلحقنا
وهي يعني ما شكلها بدها تأذينا بس عم نهرب
بلاقي أختي عم تركض بس قربت المرأة منها
واختي ما عم تقدر تركض بسرعة من حسب مانطوها
بركض لعندها و بجي متل بدي ارفس المرأة مشان بعدها عن أختي
انا ما بدي أأذيها بس متل تهديد
ولما بلاقي أختي طلعت بقلها ارفعي مانطوكي واركضي
وبنررركض و بنوصل بنفوت وبحاول اقفل الباب ما بينقفل أول مرة ><
وبتكون معي بنت خالي بيان بلاقي الباب اندق ولسا ما اتسكر
بسكرو بسرعة و بتأكد من أنو انقفل

وانا عم فكر بابا عم يستنانا تحت وهاي هون شو بدنا نعمل
بلاقي خالي ايجا وبدو يشوفها

هاد المنام بس
وانا عملت الاستخارة قبل ما نام
بعدين فقت بعد صلاة الفجر لقيت طلعت الشمس وراحت الصلاة علي
برجع بنام وبشوف هالمنام

هاد المنام و بنتظر تفسيرك

انا بنت عمري 18 سنة و أنا أهم شي بدي ياه بالرجل يكون صاحب دين

يعني لما اليوم عرفت أنو أقصر مني
امي قالت خلص لا ما بدنا
بس انا مترددة لأنو أهم شي عندي الدين مو الشكل

والله يجزيكِ الخير

طيب بعيدها اليوم الله يجزيكي الخير يا رب