استخارة و حلم 2

من طرف lura الأربعاء 29 أبريل - 12:35

الله يسعدك ماما نجية

ان شاء الله تكوني بخير

اليوم عملت استخارة كمان متل ما قلتي مشان عرض الزواج
الاستخارة الأولى هون
https://mamanagyadreams.forumegypt.net/t571-topic

و شفت منام بعد صلاة الفجر

بشوف بالأول اني متسطحة على فرشة عالأرض
بين سرير و خزانة الأرنة ضيقة شوي ما بعرف وين
وانا نعسانة بدي نام
بشوف أخي أحمد أيجا أكبر مني بسنة
ومعو كيس أسود كبير
فيه بنطلونات
بيعطيني بنطلون الي و لأختي وكأنو جايب لقرايبي البنات كمان

لون البنطلون عفني و لتحت الركبة بشوي
هو أخي بالفعل عندو هيك واحد بيشبهو
و هو موديلو رجالي بس انا عادي بيعجبني
بقول ظريف للنوم كمان
و كأنو فيه بنطلونات تانية كمان هيك لتحت الركبة بس لونها أسود وفيها ألوان تانية

بعدين بشوف اني بالبيت
و بكون قاعدة بتفرج من الشباك
بلاقي هالشب يلي طلبني شكلو مو واضح بس هيك مو طويل
و عم يشطف ناح مدخل البناية و ينشف و بعرف انو جارنا كأنو مواجهنا
بعدين بشوفه فات عالبناية و دق الباب
و كأنو متل حط رسالة
بس ما بنفتح ما بعرف ليش
بتكون خالتي ضياء عنا بتقول مين يلي دق ؟
بقلها واحد طالبني للزواج و لسا ما وافقنا بنسأل عنه
بتقول والله آدمي حسب ما عمل
وامي واقفة ما بتقول شي ( امي اسمها صفاء )

بعدين بشوف انو معي امي و اختي ماسة
و بنت خالتي علياء
بشوف انو في مطربان فيه مخلل
بعطي كل وحدة منهن مخللتين من نوع اللفت بس لونها فاتح
بين الأبيض و الزهر مع أنو بالحقيقة لونها غااامق
يمكن قديمة او ما بعرف

و كمان مخللتين خيار يمكن
مو متأكدة كل وحدة خيارتين من كل نوع أو خيارة
المهم بعرف اني عطيت أمي وحدة زيادة

و لما ناكلون بتقول بنت خالتي اي ليش خايفين يخلصوا ؟
خلينا ناكلون كلون
و بتمسك المطربان و تحط كل شي بصحن و ينخلطوا

بتقول بدنا ناكلون بس ما بشوف انو أكلناهن بالمنام

بعدين بشوف انو ببيت خالتي نفس امها لعلياء
أسمها بسمات وبشوف كأنو صايرة مشكلة و زوجها اسمو حسان معصصصب
وكأنو بفهم صايرة مشكلة مع بنتون التانية الحامل اسمها نسرين

وبس هيك ..

يا رب تكون راكزة الاستخارة وتوضح
لأني محتارة كتير يا ماما نجية
امي قالت خلص لا ما بدنا لطولو
وانا خايفة اظلم من هالناحية لأنو بيهمني الدين و الأخلاق بس
وبدي أخد رأي أبي بس بدي اعرف شو الخير بالأول و هيك
والله يجزيكِ الخير

للتذكير أنا بنت 18 سنة

حبيبتى واضح انك مو موافقة على هدا العريس ولكن امك وخالتك موافقين عموما مش هيعدبك وبلاش لان طريقة متعب شوية وهيكون فيه حبة نكد وان شاء الله ياتيك احسن منه

من طرف lura الخميس 30 أبريل - 0:51

بالحقيقة أمي يلي مو موافقة
أنا موافقة أكتر منها

على كل حال هو حيطلب بعد سنة و كان بيسأل بس
ولبعد سنة يخلق الله ما لا تعلمون

الله يجزيكِ الخير ماما نجية

استخارة و حلم 2

استخارة و حلم 2

رد: استخارة و حلم 2

رد: استخارة و حلم 2