حفلة و ضيافة

السلام عليكم ماما نجية

كيفك ان شاء الله بخير
شفت منام بعد الساعة 7 الصبح و ان شاء الله يكون خير

شفت أني ببيت ستي وصايرة حفلة عندها بس ما بعرف لمين
وفي كتيير ناس

وبشوف وحدة هي متل معلمة دين بتعطي دروس دين و هيك
بشوفها عم تشرب قهوة
بتخلصها بناخد الفنجان منها و هي بس يلي مضيفة و بنروح عالمطبخ
بتكون معي بنت خالي بيان

وبلاقي محطوط صحن حلو ..
حلو عربي بقلاوة و فستق و هيك
بس نصو فاضي بعرف أنو كان لمعلمة الدين و آكلة منو
بقلها لبنت خالي
معناتها هلأ بنضيف الضيوف كلها متلها قهوة و حلوة

بتقول لا هي أيجت أول وحدة وما كان في حدا لهيك ضيفناها قهوة
بس هلأ الكل عصير وحلو

بلاقيها عم تحط العصير بتكب شوي و بتمسحو عالصينية
العصير لونو توتي غامق يا عصير توت أو جلاب بس عالأغلب عصير توت

و كاسات يلي الها متل ما بيسموها رقبة من تحت رفيعة و واسعة من فوق

المهم بقول لبنت خالي انا ما حضيف الكاسات بخاف ينكب منها معي
حضيف صحون الحلو
بتقول بس هالكاسات ما بتكب
بس بتوافق
وبشوف معنا بالمطبخ مرت خالي اسمها هبة
هي عم تجلي و نحنا عم نركز الضيافة
و صحون الحلو يعني بعرف انه كل صحن مليان

وبس ..

انا بنت 18 سنة

والله يجزيكِ الخير ماما نجية