ثلاث قطع لحم زائد حمراء ف العين

ازيك يا ماما انا حلمت انى لقيت ف عينى ثلاث قطع صغيره كأنها لحم زائد ف بياض العين لونهم احمر احجامهم مختلفه ده حتى ف الحلم كنت عماله احاول اصورهم عشان لما اجى احكيلك الحلم افهمك قصدى و كنت خايفه اوى و ماما كلمت دكتور يجى يشوفنى جه تالت دكاتره بنات و تلاته ولاد و كانوا جايين بيهظروا و يضحكوا حتى انا قولت جوايا دول شكلهم مرتبطين كل واحد بواحده و اعدو ف حجره الصالون وواحد منهم ولد كان وسيم بص على عينى بستهتار و هزار كده و قالى لا لا بسيطه انت محتاجه تاخدى حقنه بنسلين راحت ماما قالتله هتفضل عليها على طول راح قالها لا ده هى يوم كده او لحد ما تخف و قالى بس الحقنه هتديها لنفسك وريد مش عضل و وورانى على ايده ازاى احط الحقنه ف الوريد و انا دورت وشى و خفت اوى و لاحظت ان واحده من الدكاتره البنات الى اعده مضايقه و غيرانه منى ففهمت انها دى مرتبطه بيه و هما ماشين قولت اكلمها فهى كانت لابسه لينسز رمادى فلبنى فروحت قولتلها ممكن اسالك سؤال و انت اموره كده على اساس بهزر معاها راحت قالتلى قولى روحت قولتلها انت جايبه اللينسز دى بكام راحت ردت بطريقه رخمه و هى ماشيه و قالتلى معرفش انا بجيبها من و قالتلى اسم المكان بس انا مش فكراه و الحلم خلص على كده بس انا عايزه اقولك على حاجه يا ماما انا قبل ما انام و احلم كانت عنيه بتحرقنى و حمره شويه و حطيت قطره و نمت حلمت الحلم ده انا انسه مواظبه على الصلاه بصلى قضاء حاجه كتير ان شخص معين يكون نصيبى مع العلم ان الشخص ده دكتور. نفسيتى وحشه الحمد لله لكن مكنتش نايمه معيطه .