حلم طويل وغريب
2 مشترك
صفحة 1 من اصل 1
حلم طويل وغريب
السلام عليكم ياماما نجيه يارب تكوني بخير ... انا حلمت ان وسام نزل وكان معاه اتنين كمان من اصحابه بس انا اتفاجئت ومكنتش مستعده اقابله لان كنت عايزه اقابله بلبس جديد وكان معايا انا كمان اتنين اصحابي مش فاكره منهم الا ريهام صاحبتي ومن اصحابه بردو الاتنين معرفش الا واحد اسمه رامي صاحبه وبعدين هو صاحبه ده اللي كان بيلكمني علشان يتفق معايا ويعملها لوسام مفاجاه وبعدين قولت لازم اقابله يهدوم جديده وانا ماشيه مشيت ف مكان واسع اوي ولاقيت ادامي بيت ضيق وبسيط خالص وجيت اسأل علي شروق صاحبتي دي واحده اعرفها من بلد اسمها لبنان وهي غنيه وكده واستغربت اني ببص من شراعه الباب بتاع البيت لاقيتها هي قاعده ف الصاله ع الارض وامها بس اللي كانت موجوده والبيت مكركب قولت خلاص هستلف منها هي لبس وبعدين طلعتلي البنطلون الاسود بتاعي اللي عندي قولتلها لا ده شكله قديم بردو انا عايزه خاجه جديده وبعدين محبتش اقابله وقولت هبقي اقابله يوم تاني احسن الدنيا مش هتطير مش لازم اقابله النهارده يعني وفاضل٤ شهور ويسافر ابقي اشوفه ف اي يوم تاني وكنت ف الحلم انا واصحابي كأننا بنهرب منهم علشان مش يشوفونا وكنت لابسه زي بالطو طويل اوي شتوي وكنت زعلت من اصحابي اللي معايا علشان كانوا مش عايزين يسمعوا كلامي ف حاجه قولتهالهم بس مش فكراها ولاقينا واحد شاب طلع بيت شروق دي وقالي في واحد سال عليكي وكان بيسالني هي طالعه هنا ليه وهما شافوكي وانتي جايه هنا وبتستخبي منهم وبعدبن ريهام ركبت العربيه قبل ماهما يشوفونا تاني وجرينا انا وهي وصاحبتي التالته مش فكراها وبعدين مشينا بالعربيه ف مكان واسع مش عايز يخلص بس لاقينا واحد بيكسر ف بيوت ادامنا ولسه بيكسر كانت هتيجي حته ع العربيه بس ربنا ستر وريهام رجعت تاني بالعربيه لورا وقولتلها ارجعي بسرعه ورجعت وواحده قالت لو نموت ونرتاح معرفهاش كانت راكبه ف العربيه وبعدين هي قالت كده ولاقينا من حته تانيه جه ع العربيه طوبه كبيره اوي بس مأذتناش وقولت ف سري دعواتها مستجابة ربنا يستر وبعدين كنا عايزين نطلع من المكان ده لاقينا ف كل حته حوالينا ناس بتكسر بيوت ومحلات والمفروض ان احنا عايزين نطلع بالعربيه جيت ابص لاقيت مكان متكسر بس العربيه مش هتعرف تطلع منه لانه ضيق وبعدين قولت لريهام نستني شويه وسالت واحده كبيره قالتلي اللي هناك ده شباك ولاقيت بوابه جنبه كبيره اوي بس متقفله بالطوب كأنها يعني مسدودة بالطوب علشان محدش يعدي الناحيه التانيه وقولت للست دي ماينفعش نكسرها وعايزه اطلع انا واصحابي بالعربيه وفضلنا مستنين يجي عليها الدور وتتكسر علشان نطلع بس كده
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى