جدتي لابي المتوفيه

السلام عليكم ورحمة الله وبركاته

ماما نجيه يا ست الكل وحشتيني


حلمت ان انا وبنتي في شقه زي ما تكون عماره واحنا عايشين بشقة فيها وبعدين فجاه قطع النور او الزرار بتاع اللمبة هوا ال علق المهم انا قمت اتفقد الزرار حسيت نفسي خايفه قوي اقرب عليه
ففتحت باب الشقة نطلع للطرقه عشان الضلمه فتحت الباب لقيت بالزاوية في الطرقه نايم راجل زي ما يكون فقير يعني بس انا ادايقت وخفت منه وكمان لان وجوده قريب من باب شفتي كده هيخنقني ومش هقدر افتح لا شباك ولا باب
زعقت معاه ودخلت لان لبس لا يصلح انه يشوفني ودخلت قفلت شباك كان مفتوح وانا بزعق معاه واقوله جوزي مش هيسكت  مينفعش قعدتك هنا وانا وبنتي بس المهم انا كان جوايا خووووووف شديد بالحلم  والبيت ده بيتشبهلي ببيت عمدة بلدنا مش عارفه ليه


المهم فجاه لقيت نفسي انا وبنتي في الشارع قدام بيت ابويا جالسين علي شي زي السرير بس واسع يعني

المهم بيلعبوا انا وهيا وبنتي بتردد اغنيه اطفال بالحقيقه نامت وسابت التلفون ع راسي يغني الاناشيد واشتغلت بالحلم

المهم بلعب انا وهيا وارفع بعيني للبلكونه الاقي جدتي ام ابويا رحمه الله عليها وعلي امواتنا واموات المسلمين اجمعين
واقفه وسانده بدراعها علي البلكونه ومبين علي ملامحها انها مازالت عندها الجلطه ال اتوفت بيها ملامح وشها مش تدل على انها كتير كويسه
ف بصيت ليها وقولت ليها ازيك يا حاجه مديحة قالت الحمد لله بس مسمعتش صوت حسيت بتلعب شايفها بس او انا ال توقعت كده المهم مسمعتش صوت
بس صحيت من النوم وكل ال براسي نظرتها ليا حسيت انها بنتظر مني شئ

وبالفعل بحلم سابق شلتها وحطتها علي السرير وانت فسرتيه بعمل هيرفعها وانا كنت ناويالها عمره ولسه الله ما يسرهالي

المهم خدت بنتي بحضني وبلاعبها واحنا نايمين علي جبنا فحسيت ايد تحت جانبي فمسكت ادين بنتي واسكت اديا فقلت دول اديا ٢ودول بتوع بنتي حسست تحت جانبي اتفقد لقيت ايد خامسة خفت ومسكتها بقوه واقول طيب دي تبع مين مسكتها بقوه واديرت اشوف من ال ورايا لقيتها اختي الصغيره منال
بس خفت واتخضيت

اصلا الحلم ده مبني على احساسي بالخوف

ونظرة جدتي ليا


لعله خير