امنيه صاحبتي ومروه

من طرف Admin الأربعاء 25 مايو - 7:12

حلمت ان اتنين اعرفهم كانوا بيحاربوا بعض بالسكاكين واحد اسمه رضا (متجوز) بيشتغل كهربائي والتاني اسمه مش فكراه متجوز بردو وفاتح حقيقي قهوه بس سمعته وحشه وهما قرايب اصلا وبعدين لما لاقيتهم بيتعاركوا بالسكاكين كده بيعملوا زي ما ايام زمان بيتخانقوا بالسيوف كده بس دول سكاكين كبيره كده لونها ابيض وبعدين كنت خارجه ومحمد اخويا قالي تعالي اوصلك واحنا طالعين من الشارع لاقيت انهم علي اول الشارع وان الناس البلطجيه كلها واقفين يتفرجوا وقلبي اتقبض وخوفت علي محمذ اخويا ان حاجه تيجي فيه السكينه يعني تنطر ولا حاجه وتيجي فيه قومت معيطه وقولتله لا مش هنعدي من هنا وبقيت خايفه عليه اوي وهو اتنرفز وعايز يعدي علشان يعرفني انه مش خايف وبعدين لاقيت رضا ده جي يديله السكينه علشان يتعارك بيها ادام التاني ده مع العلم انهم اصلا مش بيتخانقوا يعني زي ماتقولي بيحاربوا بس مع بعض بالسكاكين بيشوفوا مين هيكسب والناس واقفه تتفرج وانا قولت لمحمد اوعي تعمل كده احنا مش وش كده واللي سن السكنتين ببعض ده قبل ما يديها لمحمد كان رضا وبعد ما سنها محمد مخدهاش لاني كنت رافضه اصلا يقف معاهم وهو مالوش علاقه بيهم ف الحقيقه غير ازيك الله يسلمك وبعدين انا كنت رايحه مشوار تقريبا لامنيه صاحبتي (متجوزه ومعاها بنت) وكنا بليل وقولت لمحمد بسرعه علشان تقابل ماما توصلها البيت لان الساعه بقت ١٢ بالظبط بليل وفجأه لاقيت ان انا روحت عند امنيه دي لوحدي وشوفتها ف موقع اليوتيوب انها بتعمل اكل ومصوراه وحطه الفيديوهات دي علي اليوتيوب وكان شكلها عسل وبعدين قولتلها انا همشي بقي علشان الساعه بقت ١٢ بالظبط واتاخرت ولبست صندل حلو اوي ولاقيت شعري ملموم كحكه لفوق ولابسه حلق ووشي جميل اوي وخدودي حمرا بس مكنتش حاطه مكياج ف وشي بس جيت ابص علي البنطلون لاقيت اني استعجلت ولبست بنطلون النوم وامنيه قالتلي مش مشكله احنا بليل وانتي هتركبي لحد البيت محدش هيشوفك كده وانا بلبس الصندل فجأه لاقيت مروه صاحبتي(متجوزه ومعاها طفلين) هي اللي بدل امنيه وبتشتكي من الصندل بتاعها بتقولي شوفتي اتقطع ازاي قولتلها كتر خيره انه معاكي بقاله سنين واستحمل لحد دلوقتي لكن انا بتاعي جديد لسه اما اشوف هيستحمل لأمتي ومتين رلا لا وكان عاجبها الصندل بتاعي وانا بلبسه اوي بس كده ياماما

حبيبتى فيه مشكلة هتصادفك لكن هترضى بالامر الواقع وهتستعملى الحكمة والسكينة وهتتزوجى مثل اصحابك وهتنجبى مثلهم ان شاء الله وفيه موضوع هيتم لك لانك عندك رقم 12 وهو اتمام لامر (ان عدة الشهور عند الله اثنى عشر شهرا ) وفيه واحدة صاحبتك هتشكوا لك من زوجها وهتقارنه مع خطيبك والله يسعدك

امنيه صاحبتي ومروه

امنيه صاحبتي ومروه

رد: امنيه صاحبتي ومروه