ابن عمي حمزة المتوفي في المنام

مرحبا ماما نجية

كيفك ان شاء الله بخير

شفت اليوم منام ويا رب خير

بشوف انو عي جايين لعنا مع عيلتو ومعو حمزة ابن عمي المتوفي
بس بشوفو كأنو عايش ولا عارفة انو ميت
وجايين كأنو وقت عزمناهن ع يوم الجمعة ع عيد ميلادي
بيكون حمزة أصغر من عمرو شكلو ومعو الاولاد قاعدين بغرفة الجلوس
يقلي تتذكري لما من زمان كنا نلعب لعبة وأكلنا وقتها اكلة طيبة؟
بقلو ايمتى
يذكرني يقلي هديك اللعبة
انا بتذكر وبقلو ايوا قصدك سلطة التونا
يقول اي وانو نفسو ياكلها
بقلو اي بقول لماما تعملها
بروح لعندها ونحنا بنكون كأنو نجهز أكل وهيك
بقلها حمزة بدو هالأكلة شو رأيك تعمليها
بحسها كأنو ما بتقدر تعملها
بتقلي التونا مع ابصل والبقدونس متل السلطة بنعملها
بقلها اي هي متلها المهم لبي له طلبو

وبحس صح اني مو عرفانة انو ميت بس بحس كأنو هاد طلبو الأخير أو هيك شي
ولازم اعملو هالطلب
وبس

وحمزة متوفي من سنتين ونص تقريبا وكان من عمري
وانا بقراله قرآن كل فترة وبدعي له
ويوم الجمعة فعلا عازمين عمي يجي لعنا ع عيد ميلادي
وانا مبارح بعد صلاة الفجر نمت وشفت المنام وما كان علي صلاة
وحمزة بشوفو صغير ووجهو مرتاح متل وقت كان صغير قبل ما يشد مرضو
وبس هالأكلة ما اكللناها مع بعض من قبل
وبس
والله يجزيكِ الخير ماما نجية