حلم غريب يا رب خير

مرحبا ماما نجية

كيفك ان شاء الله بخير

اليوم نمت الظهر شوي وشفت منام ويا رب خير
مو فاكرة تمام كل شي
بس متذكرة اني بمتل سوق بس زحمة كتير مع اهلي
وبهالشوق في ناس كتير جاية كمان
مو متأكدة تمام بس كأنو يلي بدو يجيب اغراض للسفر يجيه هيك كأنو
المهم بشوف اننا بنشتري اغراض وهيك
حتى بشتري كتيير علكة
وبشوف انو بنروح ع مكان بلاقي فيه بنت صغيرة
مقعديهنها ع متل كرسي بس ع حفة!
والحفة متل تحتو وادي
انا بخاف عليها يجي اخي احمد متل بدو يبعدها بس ما بياخدها
انا بجي وبحملها وبقيمها من هالمكان
وبيكون لها كرسي بحطها فيه
وبقول كيف بيعملوا هيك اهلها!
بلاقي ايجت خالتي بسمات ومعها بناتها وبشوف ناس غريبة معها نسوان
ووحدة عيونها زرق ما بعرفها
بس بعرف انها بتقرب هالبنت يعني من اهلها
وبسلم ع خالتي بتقول شو حلو ما بنشوفك هيك بالعادة
وانا بضحك كأني بعرف اني مركزة حالي وطالع شكلي حلو

بعدين بشوف متل راجعين ونحنا راجعين بنمر بمكان بحس شي فات جوا بوطي
بتضايق وبقول استنوا شوي فيه شي !
وبشلح البوط يطلع في حشرة غريب بس ما كانت تروح! وبتضايق منها
بقوم بروح بدعسها بقوة ويطلع صوت تكسرها وبيكون شكلها مقرف وكبيرة شوي

بعدين بشوف اننا فتنا ع محل يبيع أحذية وهيك
وصاحبو بنعرفو بنشتري من عندو بالعادة ويكون معو شباب موظفين كأنو
مو متذكرة لو نشتري شي من عندو بس بشوف بنطلع وبتجي خالتي بسمات
بنرجع وانا بضحك بقلو شفت رجعنا وجبنالك زباين كمان
هو بيضحك

وبعدين بنطلع و بشوف وحدة محجبة بس شعرها طالع نصو تقريبا
بنببهها انا وتحاول تخبيه بس ما بيركز معها تمام
بقلها لازم تزبطيه بالحمام

وبشوف رحت ع مكان فيه متل العاب وهيك
وبشوف بنت خالتي نسرين لابسة بدلة عرسها البيضا
وبتكون بالحمام بس توقف وعم ترقص
بقلها انتبهي في مرايا تعكسك

وبشوف متل شباب بترقص ع نغمة بس متل لعبة وانا بشارك شوي
بس بجي بقعد بشوف محمد شاب كنت بعرفو وقت كان صغير وجنبو ولد اسمو بلال واسمر شوي بس بلال ما بعرفو
بيكون محمد عم يقول لبلال انت عنجد كنت بتحبها ؟
انا بسمع بس بغير بقول جد كنت بتعرفني ؟
بيقول اي كنت معك بالمدرسة
وانا بفكر بقول كان في ولد اسمو بلال وترك بس مو متذكرة تمام
قال اي ضليت لل11 سنة
بقول لا بظن قبل!

وبس
بشوف بعدين متل بحكي مع حدا مو متذكرة مين تمام
بكون بنزل على درج وكأنو بدو حدا يخطبني وحتتم
بس بكون بقول انو لسا مو قادرة استوعب وانساه او اخد غيرو (للشخص يلي بتمناه)
وبتكون بتقلي يلي معي يمكن مدربة بالنادي اسمها ميساء
بتقول بدك تنسي وتعيشي وهيك


وبس
وبنت خالتي نسرين متزوجة من قبل وعندها بنوتة صغيرة
ومحمد من زماان ما شفتو
واما بلال مو متذكرة هيك شي تمام بس يمكن
واما اخر شي الحكي يلي حكتو المدربة حكتو امي الي
لاني حكيتلها عن هالشخص يا ماما وقالت لو في نصيب اوك بس بدك تتوقعي احتمال ما يكون وتنسي وتعيشي
وبس

وانا بنت 19 سنة والله يجزيكِ الخير يا رب

ويا ماما عايزة اقولك اني شفت منامات عن الشخص يلي بتمناه ودعيت كتير
وقلتيلي ان شاء الله حيكون نصيبك اكتر من مرة
وانا متأملة بهالشي
بس امي قالتلي لا تحطي أملك عالأحلام
بس انا واثقة من انو الله ورجاني ياها وبعرف تفسيرك صح ان شاء الله
فشو رأيك؟ خلي املي بالله وبهالمنامات صح؟