فستان ابيض في المنام

مرحبا ماما نجية كيفك ان شاء الله بخير

شفت منام اليوم ويا رب خير
بشوف بالبداية اني مع خالتي بسمات ببيت ستي ابتسام
وبشوف حالي لابسة فستان ابيض من ادام كلو الماس وشك
وكتييير حلو بس فوق الركبة بشوي بكون عم شدو شوي لتحتها
بس مو فستان عرس بس فستان ابيض قصير وحلو وقطن يمكن وحفر

وبعدين بشوف بنت خالتي نسرين جايبة حاكيت قصير ابيض كتير حلو وضهرو دانتيل
وتقول سعرو 5الاف بقول بحالي والله غالي شكلها مععا منيح حتى بتجيب هيك

وبعدين بشوف خالتي بسمات جايبة اساور دهب
وبفهم انها بدها تزوج بنتها عليا وابنها نور
وبفكر كيف بدها تزوج نور والله صغبر ( عمرو 15 سنة )
وبتقول لسا بتستنا لتشوف الاساور لو تمام ببتم الزواج
وبفهم انو زواجهن متعلق بالاساور
وبشوف بنت خالتي عليا معها ساعة كحلية وهي ساعتي باخدها منها وبحطها بايدي

بهدين بشوف بالمنام اني عم احكي لامي نفس المنام اني لابسة فستان ابيض وهيك

بعدها بشوف اني بمتل بيت وعم اتفرج لتحت ع بيت تاني
كأني براقبو او براقب حدا بالبيت تخت
بلاقي شب طلع متل اكتشف اني براقب
الشب شكلو حلو عيونو خضر مدري زرق بس عالاغلب خضر وشعرو بني وطويل وجسمو حلو
بجي لعندي وببحكي معي بس مو متذكرة شو حاكي بس انا بكون مبسوطة
بس كأنو ما بدنا حدا يعرف انو كشغني لانو بيطلع ولد من تحت صغير ششوي
بيجي بحسو متل كشفني او هيك
بجي لعندو بوطي حالي ناحو وبحط ايدي ع اكتافو وبقلو انت اخوه صح
ما بقلو اخ مين مششان ما يعرف اني بعرف اخوه بس بقول بحالي اخ عاصم وبعرف انو اخوه
بقلو لانك اخوه بعملك شو ما بدك

وبعدين بشوف وحدة من معارفنا اسمها اروى بتكون جايبة بوظة مثلجات شوكولا
وبتقول جيب لكم
بلاقيها معها البوظة بس دايبة بقلها لا لا تجيبي شي شكلو الكهربا مقطوعة ودايبين

بعدين بشوف اني عم امشي من فوق اساطيح بيوت لاوصل لمكان بسرعة وبس

وبنت خالتي نسرين متزوجة وعليا لا
والشب يلي شفتو ما بعرفو بس بحس اني بعرفو
اما الولد بعرف انو اخ عاصم الشب يلي بتمنى يكوون نصيبي
وانا قبل ما نام كنت بدعي الله يختار لي الخير معو وييسر لنا ويفرج حتى يقدر يجي ويتقدم ويريح قلوبنا وبس
وانا بنت 19 سنة والله يجزيكي الخير يا رب

يا ماما ربي يخليكي

يعني حيتقدم وما تتم ؟ ولا حتتم وتفسخ بعدين؟
وشخص غير معروف ولا يلي بتمناه؟
طمنيني ربي يخليكي ويجزيكي الخير

رفع ...