قرية في المنام وسفر

السلام عليكم ماما نجية كيفك ان شاء الله بخير

شفت منام اليوم ويا رب خير

بشوف أنو بنكون بطريقنا كأنو مسافرين على لبنان وبدنا نعيش هنيك
نمر بقرية هالقرية بحس يلي فيها فقرا أو بقول يمكن كل يلي فيها نازحين وجايين عليها
بس بيكون فيها بنات صغار كتييير ويمكن في أولاد صغار وبكون واقفة بتفرج عليها
وبشوف في رجال حتى بشوف كأنو عجوز له لحية قاعد
وبتكون مليانة ناس لقرية وحتى كأنو البنات يلعبوا أو يركضوا ووحدة شوي تخبط فيني وهي بتركض بس ما بتضايق
وبنقول بعد ما نجتاز هالقرية بنوصل
بقول لأمي يلا هانت مو باقي لنوصل غير تضبي شناتي الملابس
وبنوصل بشوف ناس بنعرفهن هني لبنانية وحاليا بلبنان ساكنين كانوا بسوريا
المهم بشوف وحدة اسمها وفيقة واختها سهام
بشوف سهام عندها بنتين بشوف أول بنت عمرها شي 8
والتانية بشوفها بعدين أصغر وأحلى من بنتها بلواقع
وبتكون سهام بدها تسلم على أمي أول شي أمي ما بتنتبه
بنبه أمي وبتجي سهام بدها تسلم عليها مرة تانية وأمي ما بترضى
وهي سهام بالواقع شوي مو راكزة بس أمي ما بتعمل معها هيك
وبشوف بعدين كأنو بنات خالتي سيرين ونسرين معنا ( هني متزوجين)
وسهام بسوريا بس وفيقة بلبنان
وبس هيك

وبعدين صحيت على صلاة الفجر صليت وشفت منام تاني
هو أضغاث بس فيه مقطع شوي ما عجبني
بشوف أني بواقفة بالحمام مع أخي
وبكون جنب البانيو وبمسك الستارة تبعو
بعرف كأنو في شيطان
بحاول أسحب لستارة ما بتسحب بعرف الشيطان ماسكها
بقول أعوذ بالله من الشيطان الرجيم فورا تنسحب وبعرف راح الشيطان
وبقول لأخي أحمد خليك لا تروح حتى اطلع بخاف ضل لحالي

وبس

وانا قبل النوم كنت بسجل الرقية الشرعية على دفتر عندي
فقرأت أولها من سورة البقرة وآل عمران بس
وانا هالأيام شوي متضيقة ومحتارة بشي كتيير وبدعي الله
وما في عنا نية سفر بس حاليا عم ننقل عم نرجع على بيتنا يلي تركناه
والله يجزيكِ الخير ماما نجية