تفسير الاحلام مع ماما نجيه (للنساء فقط)
بتدوري على صحبه ولمه واصحاب بجد واهل .. عايزه تحلى مشاكلك ...عايزه تفسرى حلمك؟ تعالى هنا نورينا فى المنتدى وهتتبسطى ان شاء الله معانا ...

حلم طويل وصعب

استعرض الموضوع السابق استعرض الموضوع التالي اذهب الى الأسفل

حلم طويل وصعب

مُساهمة من طرف Admin في الإثنين 4 سبتمبر - 10:00

حلمت ان انا روحت طنطا مع مروه صاحبتي متزوجه ومعاها اسيل واسلام) وبعدبن دخلنا محل لانچيريهات وقمصان نوم حلوه اوي وعجبني كزا حاجه وهي كانت بتختار معايا وبعدين اخترت قميص لونه روز متحدد طروفه بالاسود وطويل وشيفون كان جميل وبجامه بتلمع كده لونها دهبي وشكلها جميل وببص لاقيت مروه لابسه ملابس داخليه وكأننا بنقيس لبس وبعدين لابسه طقم داخلي لونه ابيض وجميل اوي بقولها جميل الطقم الداخلي ده قالتلي مانا لازم البس كده علشان جوزي يشوفني لابسه حلو وبعدين لاقيت صاحب المحل طلعللي لبس داخلي قطعتين بردو طقم داخلي ابيض منقط والتاني لونه روز وبعدين عجبوني اخدتهم كنت تقريبا بشتري حاجات دي في الحلم علشان هتجوز وبعدين اخدت كمان اندرات جميله اوي وبراهات مش شكل بعض كلهم مختلفين والراجل ادهوملي ف ايدي وبعدين قعدت ادور علي كيس ف المحل لحد مالاقيت واحد مرمي ف الارض وجنبه اندر قومت واخده الكيس وشايله الاندر حطيته مكانه علي الترابيزه لانه كان واقع ع الارض وبعدين طلعت من المحل وعايزه اروح وفجاه لاقيت نفسي لوحدي ومروه مش معايا ومشيت في شوارع وتوهت ولاقيت الدنيا بقت ليل وكنت خايفه اوي وبعدين لاقيت شوارع داخله ف بعضها وكلها شباب بيلعبوا مفيش ولا بنت ف الشارع وجيت ببص وانا ماشيه لاقيت ضل ورايا واحد ماسك منشار وبيبرأ لي بعينه خوفت وجريت منه لحد مادخلت شارع لاقيته سد مقفول ولاقيت ادامي توكتوك استخبيت جواه كان راكن وبعدين استنيت شويه لحد ما الولا ده مشي اللي معاه منشار وجيت اطلع من التوكتوك لاقيت شباب بيلعبوا لعبه زي ما يكون اللي عليه الدور عينه تنور وكنت خايفه منهم وبعدين واحد منهم جه عندي كان كويس مكنتش عينه بتنور وقالي ايه ده انتي مين قرلتله انا زي اختك والنبي طلعني من هنا قام شاورلي علي الشارع الرئيسي واستخبيت تاني ف التوكتوك لاقيت صاحبه ركب وقعد جنبي واحد عنده يجي ١٩ سنه والناحيه التانيه ولد عنده يجي ٨ سنين وبعدين صاحب التوكتوك بعد ما طلع ع العمومي بيبص ف المرايه بيقولي ايه ده انتي ازاي راكبه كده وسطهم وركبتي امتي قولتله كنت مستخبيه والله من واحد بيجري ورايا ودول زي اخواتي الصغيرين وقرلتله انا عندي ٣٠ سنه ونزلت ف العمومي واديته ٥٠ جنيه شاورلي علي الفلوس اللي معايا وقالي في فكه اهي واديته منهم ١٠ جنيه واستنيت اخد ٥ مرضيش وقالي ١٠ جنيه حلو وسيبته ومشيت وقعدت اعيط ان انا مش لاقيه مواصلات بس كنت مرتاحه ان انا ف طريق عمومي وكان واسع اوي وبعدين واحده ادي وقفتني بنت وقالتلي ماتخافيش انا معاكي وهوصلك وكنا ماشيين رايحين نركب ميكروباص للمحله تقريبا بس كده ياماما
كل الناس اللي ف الحلم معرفهمش الا مروه صاحبتي ومروه دي ياماما كنت لسه مكلماها امبارح وبشتكيلها من وسام وعمايله

_________________
اللهم ارحم المسلمين والمسلمات المؤمنين والمؤمنات الاحياء منهم والاموات .... اللهم اشفي كل مريض...اللهم ارزق كل مشتاقه الذريه المعافه عاجلا .... اللهم ارزق كل بنات المسلمين الادواج الصالحه عاجلا.... اللهم اني استودعك اخواتي واهلي فأحفظهم ونجيهم وارزقهم واحسن ختامهم امين يارب العالمين Smile

avatar
Admin
Admin

عدد المساهمات : 631
تاريخ التسجيل : 06/09/2014
العمر : 29
الموقع : mama nagya dreams

معاينة صفحة البيانات الشخصي للعضو http://mamanagyadreams.forumegypt.net

الرجوع الى أعلى الصفحة اذهب الى الأسفل

رد: حلم طويل وصعب

مُساهمة من طرف ماما نجية في الأربعاء 6 سبتمبر - 19:48

اطغاث احلام
avatar
ماما نجية

عدد المساهمات : 2075
تاريخ التسجيل : 07/09/2014

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى