السلام عليكم ماما نجيه . حلم غريب.ضرورى طمنينى ياماما.

السلام عليكم ياماما نجيه

انا بنتى قلقتنى قبل الفجر وبعدها نمت

حلمت انى جعانه وعاوزه اكل وبنتى كانت بتآكل جبنه قريش عليها زيت زيتون تقريبا وكل وروحت الهايبر اشترى ومش عارفه كلمت جوزى فى التليفون وخايفه اتاءخر كنت عاوزه اشترى كحك ناشف ومكنش زى ماانا عاوزه وقلت لصاحب الهايبر يوم ايه الاقى الاكل فى دماغى قولت حعمل بيض وجبنه وحناكل وخلاص.

ركبت عربيه تاكسى ابيض وكان السواق شاب صغير ومعايا بنت ورا كاءنها بنت خالتى مش فاكره والسواق بيجرى لقيت الطريق بقا ضلمه قولتله لاء  ارجع ( قالى حاخد ١٢ درهم قولتله اوك لقيت النور وكاءن الفجر طلع ياماما وشفت اخويا الوسط جاى عليا فى الشارع قولتله هات الموبايل أكلم اخويا التانى تليفونى فصل لقيت نفسى فى مكان زى بيت وفيه اخويا وزى عيلتى ولقيت فجاءه دخلت ((( جدتى  المتوفيه معاهه تورته كلها فواكهه طريه جدااا حطتها على رجلى وكاءن ده عيد ميلادى ومعاهه ورق وزى ماتكون أشعة صدر( صورة القفص الصدرى و ديه هديتها ولقيت ارقام ببص لقيت ٢١ و٢٢ قولتلها انا عيد ميلادى ٢٨ ونامت هيه عند رجلى وفردت جسمها لقيت بطنها طريه جدااا كاءنها مش موجوده وبعدين قامت مشت  وخلص الحلم انا وأخويا بنتكلم وخالتى كانت موجوده  .


انا بصلى الحمد لله وعندى بنوته ومغتربه وحامل بالشهر التالت وبعانى من هموم شويه جوزى فى شغله والايام اللى جايه وبفكر فى شغلى كتير. هل الحلم ليه علاقه بجنس البيبى او فيه اى حاجهً حتحصل ياماما طمنينى الله يخليكى انا صحيت ولقيت لسه الفجر ماءدنش فاضل ساعه . جزاكى الله الجنه يارب.