تفسير الاحلام مع ماما نجيه (للنساء فقط)
بتدوري على صحبه ولمه واصحاب بجد واهل .. عايزه تحلى مشاكلك ...عايزه تفسرى حلمك؟ تعالى هنا نورينا فى المنتدى وهتتبسطى ان شاء الله معانا ...

خطبة عالموبايل وقريباتي

اذهب الى الأسفل

خطبة عالموبايل وقريباتي

مُساهمة من طرف lura في الأحد 4 مارس - 12:54

مرحبا ماما نجية كيفك يا رب تكوني بخير

بالأول حاحكيلك وضعي وشو صار من جديد
من 3 ايام زارتنا صاحبتي شيريهان ورجعت اتكلمت بالموضوع تاني زي ما حكيتي بتفسير منام عشان أخوها
وافقوا على غطا الوجه بس بدها مني كشف عالسلف على أخو العريس يعني باعتبارو محرم مؤقت
ماما ما وافقت طبعا قالت يضل غريب وما نكشف عالسلف
المهم الموضوع ما انتهى قالت لسا حنحكي وهي لسا تحبني كتير وانا بالحقيقة بنجذب لها ولعيلتها بس المشكلة ما بعرف عن الشب شي

المهم انا دعيت الله يختار الخير ولا يخيرني
واستخرتو مبارح
شفت منام قبل الفجر ومنام بعد الفجر ومنام الظهر
ما بعرف ممكن في احاديث نفس أو أضغاث بس ان شاء الله خير

المنام الأول بشوف كأنو نحنا ببيت جدتي ابتسام
وتكون شيريهان قاعدة
بشوف وحدة غريبة محجبة ما بعرفها
بتحكي عالجوال
بعرف أنها بتحكي مع باسل (اخوها لشيريهان الي تخطب له)
وتحكي معه عن شغله بعدين تقلو يعني رح اشوف دعاء وبحكي لها
يقلها اي شوفيها
(بعرف انه دعاء بنتها وبدها تحكي لها مشان يخطبها أو هيك شي)
انا جواتي بتعجب وهيك وبشوف شيريهان قاعدة وساكتة وبعرف موافقة على مضض
يعني مش عاجبها كتير ولسا بدها ياني وتنظر لي بحزن فأنا بتضايق مشانها يعني وهيك

(ودعاء وأمها ما بعرفهم أبداً)

المنام التاني
بشوف كأنو عندي عصفور لونو زهري فاتح وحلو
بس صغير ما يقدر يطير منيح
انا بخليه يطير عالبلكون فهو يوقع عند الجيران القبو تحت عالمسبح (بشوف كأنو في مسبح كبير، بالواقع في مسبح صغير كتيير)
المهم بلبس غطا صلاة بسرعة وبنزل مشان أنقذو للعصفور
بلاقي بالقبو عايشين اخوالي أحمد وحامد (مع ناس تانية)
بفوت وبلاقي العصفور لسا عايش يجيبوه لي
بس بعدين بشوف كأنو صار جوا بيضة أو ع شكل حجر جواتو
الحجر لونو زهر فاتح
ويكون في حجارة ملونة تانية
وبحس ضاع مني حجري بصير بدور عليه بين الحجارة وخالي يقلي لازم ما تتأخري
بستعجل وبلاقي حجرين واحد زهر يشبه الأول بقول هو يمكن
وتاني لونو زهر ولون تاني أزرق على بنفسجي بس حلو كمان
وباخدهن وبروح
بس


المنام التالت
بشوف أنو بنت خالتي عليا انخطبت
ونكون ببيت جدتي ابتسام وبدها تصير حفلتها بالبيت ونحنا نجهز
أنا بكون لابسة بيجامتي الزهر لما تجي عليا واهلها بسلم عليهن
بلاقيهن لسا ما اتجهزوا كمان فبقول حغير بيجامتي والبس لبس عادي مشان الشغل بعدين نتجهز للحفلة
بشوف عليا أنحف كمان يعني أحلى وبشوف خالتي بسمات
المهم بروح بلبس كنزة خضرا عندي وبنطلون أسود
بشوف بنت خالي بيان
بعرف كمان انخطبت واليوم حينكتب كتابها
بس الحفلة الرسمية للخطبة هي لعليا
انا بكون فرحانتلهن وهيك
وبرضوو بشوف صاجبتي أروى مخطوبة ( هي بحكي معها عالنت وقريبة جدا منها)
بشوفها بتخبرني عالواتس أنها انخطبت ومبسوطة وتقلي عقبالك وهيك شي
(مع العلم أروى ضد فكرة الزواج وتقول مستحيل تتزوج)
(عليا بالواقع عزباء وما في حكي على خطبة حالياً)
(بيان متل عليا عزباء بس كانت مخطوبة من سنتين تقريبا وفسخت)
وبس هيك

وانا بنت 20 سنة وربي يجزيكِ الخير
avatar
lura

عدد المساهمات : 512
تاريخ التسجيل : 10/09/2014

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: خطبة عالموبايل وقريباتي

مُساهمة من طرف ماما نجية في الخميس 8 مارس - 23:14

اطغاث احلام
avatar
ماما نجية

عدد المساهمات : 2263
تاريخ التسجيل : 07/09/2014

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى