تفسير الاحلام مع ماما نجيه (للنساء فقط)
بتدوري على صحبه ولمه واصحاب بجد واهل .. عايزه تحلى مشاكلك ...عايزه تفسرى حلمك؟ تعالى هنا نورينا فى المنتدى وهتتبسطى ان شاء الله معانا ...

بيت جديد لصاحبتي في المنام وزيارتها

اذهب الى الأسفل

بيت جديد لصاحبتي في المنام وزيارتها

مُساهمة من طرف lura في السبت 26 مايو - 14:37

مرحبا ماما نجية يا رب تكوني بخير

شفت اليوم منام غريب ان شاء الله خير
شفتو قبل صلاة الظهر بشوي وقبل نومي كنت قرأت قسم من الرقية الشرعية

بشوف بالحلم بالبداية أنو شيريهات اتصلت بماما وحكوا عالتليفون
تقلها أنها اشترت بيت بمنطقة اسمها الزبلطاني وانتقلت عليه
وبس مرتبكة مشان شغلها صار طريق أطول عليها بس تكون مبسوطة
وتقول أنو في حفلة قريبة بالنادي بدها تجهزنا نحنا البنات لعرض وهيك

بسأل ماما شو حكت معها تحكيلي هالشي
بقلها ليش انتقلت ع بيت تاني وعندها بيت يعني؟! (وخصوصا بيتها جنب مكان شغلها بالنادي)
تقلي الله اعلم بظروفها

بشوف بعدين قطعة قماش مربعة كبيرة ولونهعا أبيض أو وردي فاتح مش فاكرة ومزينة بحجارة ملونة كتيييير حلوة
بعرف أنه ماما كان بدها حدا يزينها وعن طريق شيريهان طلبت من ناس بالنادي يزينوها وكتيير صارت حلوة بالحجارة
تفردها ماما لتشوفها انا تعجبني وتقلي ماما هي مشان حفلة كتاب بنت خالك نحطها لتيزين الأرض
بقلها بس ليش نتركها عنا لوقت كتابها؟! بركي خربت؟!
تقلي لا ما بتخرب

(مع العلم بنت خالي صارت حفلة كتابها من فترة)

بعدين بشوف بنت شيريهان نانا عمرها 10 سنين
ولابسة عباية سودا حلوة كتير
بفهم انو شيريهان بدها تزينها للعباية بشي يحليها (وهي لابستها مشات الحفلة)
بكون انا بقطع صدور دجاج لقطع وكأنو بدي زين العباية فيه مع ورق ملون وردي أو شي
بقلهن بس العباية سود لازم تتزين بلون وردي تطلع حلوة كتير (وبكون بفكر بشي يزينها)

بعدين بشوف كأنو رايحين نزور بيت شيريهان الجديد
وانا بفكر كيف انتقلت بسرعة بدون ما تحكي وكأنو خلال يومين!
وعالطريق بشوف رجل فقير كبير بالعمر يشحد فلوس
بلاقي أمي تعطيه وانا يكون معي مصاري معادن يعني كمان بعطيه

بعدها بشوف كأنو نحنا ببيتها
ونكون قاعدين بغرفة الجلوس وهي غرفة مرتبة مو كبيرة كتير بس حلوة
(حتى أحلى من أثاثها ببيتها بالواقع)
يعني أثاث وبيت جديد
ونكون قاعدين وعم نحكي وهيك
ومحطوط عالطاولة صحون مكسرات وبزور وهيك
تجي شيريهان تروح علمطبخ لتحط ضيافة تانية
بلاقي انا المكسرات خلصوا وماما كأنها بدها كمان
بقلها ليش تستحي وما تحكي هنن النا ع كل حال حروح حط كمان
(بفهم كأنو المكسرات النا ما بعرف كيف وباخد الصحون لروح عند شيريهان ساعدها واحط كمان
وبشوف أخت شيريهان قاعدة معنا اسمها هند وعمرها 17 وهي طيوبة كتير
وبشوفها بالمنام أحلى كمان

وبس هيك

وشيريهان مش مفكرة تنتقل ع بيت تاني بالواقع
وما في حاليا حكي عن حفلة بالنادي بس اي في حكي عن تعلم تدريب ع عرض جديد
وحاليا ما في شي جديد عن موضوع الخطبة بس سمعت أن أخوها يزبط ببيت أهله

وانا ايجتني شوية أمور لخبطتني وهالفترة متضايقة شوي
خصوصي صار سوء فهم بيني وبين شيريهان حاكيتها بشي بس كان نقاش شوي ورجعت الأمور طبيعي
وبالعكس هي قالتلي انسي ولا صار شي وتضحك معي وكل شي
بس انا ضليت متضايقة اني خايفة كون ضايقتها او هيك وبس

وانا بنت 21 سنة وربي يجزيكِ الخير يا ماما
avatar
lura

عدد المساهمات : 518
تاريخ التسجيل : 10/09/2014

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: بيت جديد لصاحبتي في المنام وزيارتها

مُساهمة من طرف ماما نجية في الأربعاء 30 مايو - 22:11

اطغاث احلام
avatar
ماما نجية

عدد المساهمات : 2276
تاريخ التسجيل : 07/09/2014

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى