خلفت مانجه وخياره

السلام عليكم ورحمة الله وبركاته

ازيك يا ماما يارب تكونى بخير
حلمت امبارح انى قاعدة بوسط ستات محجبات بس مش عارفهم هما مين وكنا بنتكلم وبنضحك بس مش فاكره الكلام
المهم حسيت كأنى ببص لنفسى فى المراية ولقيت وشى رفيع اوى وخاسس وطالع فيه حبوب تحديدآ خدى
وشكلى غريب مش انا خالص شكلى مجهد وتعبان وهزيل
وببص لقيت نفسى بولد والستات اللى قاعدين عاملين يقولولى يلا ربنا معاكِ
وانا كنت بولد نفسى وبمد ايدى ولما ولدت لقتنى ولدت مانجايه وخياريه وهما عاملين يقولوا ماشاء الله
وكانت المانجه والخياره محمين بشبكة زى شبكة البحر كده المانجه ملفوفه بشبكة والخيارة ملفوفة بشبكة
ولقيت حد من الستات فتح المانجيه وقاعدين بيكلوا فيها وانا اكلت منها وطعمها كان حلو اوى
وكبرت اوى يعنى هى نزلت صغيرة وكبرت اوى واحنا بناكل وقولتلهم سيبوها بقى عشان ماما واخواتى ياكلوا منها ويشوفوها
والخيارة والله اعلم كان لونها اصفرمن جوه صفار المانجه لكن تقريبا محدش اكل منها
~ انتهى الحلم يا امى ~

انا متزوجه من 5 شهور ولسه محصلش حمل اوحصل بس اجهض الحمدلله على كل حال

حبيبتى انت عندك هموم ونكد لكن ربنا هييسر امورك المتعثرة وهيفرجها عليك من بعد ضيق وهينجيك من شر وهتحملى مرة اخرى ان شاء الله وربنا هيكمل لك على خير باذن الله

خلفت مانجه وخياره

خلفت مانجه وخياره

رد: خلفت مانجه وخياره