بنت صينية فى الحلم

حلمت ان انا كنت قاعدة مع بنت غريبة كانت قاعدة فى بيتنا والبنت دى كانت جميلة لكن كانت شبه الناس اللى فى الصين بس مش عارفة هى من الصين ولا لا وكان سنها مقارب ل 18 او19 سنة
وانا كنت قاعدة معاها على سطح العمارة وعرفت منها انها بتعرف تلعب كراتيه وماهرة فى الكراتيه
انا حبيت اجرب ألعب معاها كراتيه عملنا منافسة بين بعض وقولتلها ان انا هغلبها وبدأنا نلعب وهى كانت محترفة وانا كنت بلعب حلو بس مش زيها اوى لانها محترفة بس كانت منافسة كويسة بينى وبينها وبعدين نزلنا من السطح ودخلنا غرفة النوم بتاعتى واحنا كنا ما زلنا نلعب كراتيه واحنا مبسوطين
وبعد ما انتهينا من لعب الكراتيه انا زغزغتها وهى ضحكت بصوت عالى وكانت مبسوطة وده كان هدفى من زغزغتها لانى كنت شايفاها دايما قاعدة جد ومش بتضحك ودايما قاعدة بتلعب كراتيه فأنا حبيت اسعدها وكنت فرحانة بسماع ضحكتها ومن اعجابى بضحكتها زغزغتها تانى وهى انبسطت من الموضوع وكانت فرحانة اوى
وبعد كده لقيت اوزة معانا فى الغرفة لكن شكل الاوزة كان يشبه البطة شوية الاوزة دى كانت قاعدة فى الغرفة رايحة جاية كإنها بتحرس الغرفة
انا غير مرتبطة
الحالة الدينية الحمدلله