رؤية الميت عاد للحياة

السلام عليكم ماما نجية
ان شاء الله تكوني بخير

شفت اليوم ابن عمي الله يرحمو
بالبداية بشوف اني عند ستي
و بشوف شغالة كانت تشتغل عند عمي قبل وفاة ابنوو تركت
فبشوفها جاية عند ستي بقول ليش
تقول ستي : " أنها محتاجةمصاري و قلت بما انها بتعرفنا تشتغل عندي "
بجي بدي روح لسلم عليها بلاقيها عم تشتغل بقول يلا لتخلص
و أنا راجعة بسمعهن يقولوا حمزة رجع عاش ) ابن عمي )
أنا بتفاجأ و بركض عالغرفة بلاقيه قاعد بروح اقعد جنبو و بقول
حمزة كيفك ؟! يقول تمام الحمد لله و هو عم يضحك
و بشوف وشو مليان و بعرف أنو بعد ما عاش عمل عملية رجع فيها ما فيه شي
و صار يقدر يمشي
هو كان معو مرض و من صغرو معد مشي و عال17 سنة اتوفى بسببو بعد تعب كتير
المهم بشوف اسنانو أصغر و بعضها كأنه لطفل
و بس بشوفو كانو عمرو 15
المهم بعدين بلاقي اتغير المكان و كاأنو صرت بباص و بلاقيه قاعد بآخرو
أنا بركض بسرعة لعندو حتى ما حدا يقعد جنبو قبلي
و بجي بضمو شوي و بحط راسي عليه و صوتي مخنوق حابكي من الفرحة
بقلو اشتئنالك.. صارلك سنة ممتوفي
هو ضحك و قال مع اني حسيتها 6 أيام بس
و بسألو طيب بهالفترة شفت شي
( كان قصدي متل يلي يفوتوابغيبوبة يشوفو. الانبياء احيانا أو يعرفوا شي )
فبيجي يقرب تمو من أدني و يقول بصوت واطي : أي شفت
و حاسة انو قلي شي بس ما عم أتذكر للأسف

بعدين بنفس المنام أو غيرو بشوف اني صحيت و بقوم بسرعة
بقول حمزة عاش !! حقيقة لما منام .. لا شكلو حقيقة هيك حسيت
و بركض لشوف تاريخ اليوم و اسأل لو عنجد عايش
بس
بعدين بصحى و عرفت انو منام مع انه حسيت كأنو حقيقي بالفعل يعني مشاعري و احساسي كأنو حقيقة

هو أنا و أبن عمي كنا اصدقاء طفولة و كنت العب معو كتير و ساع. و بس حب شوف ضحكتو
و كان الله يرحمو ملتزم و دين كتييير
و حتى بعد وفاتو اتأثرت كتير و اهتديت لله اكتر
أنا بنت 17 سنة
مملتزمة و كل يلي بدي الله يهديني اكتر لاني بعرف اني مقصرة
و صح ما بشوف رجليه بالمنام
هو بمرضو كان يقعد متربع و ضهرو يحني
بس بشوفو بالحلم ضهرو مشدود
بس رجليه كلها ما بشوفها ..
هاد هو المنام و اعذريني حكيت كتير بس مشان وضح الوضع
و الله يجزيكي الخير