كندرة حمرا في المنام

من طرف lura الثلاثاء 3 فبراير - 15:23

السلام عليكم ماما نجية

كيفك ان شاءا الله بخير

هالمنام شفتو من كم يوم عن بنت خالي
و ان شاءا الله يكون خير

بشوف اني رايحة مع أهلي بالسيارة على بيت ستي
فتتصل بنت خالي فيني عالموبايل
برد عليها تقول انها بمحل قريب من بيتهن وانها بدها مساعدة
و تقول لابسة كندرة و رجلها علقت و هيك

بيوصلوني لعندها و بروح بلاقيها واقفة جوا المحل بس أدام الباب
و بلاقي طرف رجلها علقان مع الكندرة تحت شي كبير ما بعرف شو هو
والكندرة حمرة الها كعب شوي و حلوة
فتجي هي ترفع هالشي شوي و انا بسحب رجلها مع الكندرة بسرعة حتى طلعت
وبفهم أنو هالكندرة جديدة و يمكن اشترتها من هالمحل

فبقلها ليش ما قلتي للموظف يساعدك
فبفهم انها خجلت تقلو او هيك شي

هاد المنام و بنت خالي اسمها بيان و هي آنسة 18 سنة
وانا آنسة 17 سنة
الحالة الدينية ملتزمة
و شفت المنام بعد صلاة الفجر كمان
و الله يجزيكِ الخير

حبيبتى هتقفى بجوار بنت خالك فى مشكلة وفيه خير هيظهر او هيبان لك باذن الله

كندرة حمرا في المنام

كندرة حمرا في المنام

رد: كندرة حمرا في المنام