منام عن ابن عمي الله يرحمه

من طرف lura الثلاثاء 9 أكتوبر - 21:36

مرحبا ماما نجية كيفك يا رب بخير

مبارح صليت الفجر وبعد طلوع الشمس بشوي نمت وشفت هالمنام
يا رب خير

بشوف أنو صار العيد
ويجيني خبر أنو ابن عمي حمزة اتوفى
بعرف أنه صارله سنتين بالمشفى كأنو بغيبوبة أو هيك
واليوم اتوفى
بقول لماما ما بدنا نروح عند مرت عمي سلام؟
تقلي هي ما قالت نجي ويمكن متوفعة وفاتو يعني مو متأثرة كتير

وانا بحس بحزن عليه وهيك وببكي شوي أو بجي لأبكي بس عالهادي

بس بلاقي يجينا خبر من تركيا من عمة بابا نجاة تقول فيه انو حمزة عايش
حمزة بمشفى عنا بتركيا وعايش
انا بقول الخبر لبابا وهيك وبدي احكيه وما بعرف صح او لا
( مع العلم عمة بابا اتوفت هالسنة بس بالمنام ما بعرف انها متوفية)

بعدين بشوف بنات صبايا يشطفوا درج البناية عنا
بعرف لأنو عيد وهيك
وبشوفهن انو جيران مواجهين لبيتنا
( مع العلم الجيران مواجهنا انتقلوا وهلأ ما في حدا )
وبشوف صبية منهن حلوة ولابسة فستان وردي بالواقع ما بعرفها
تجي تفوت بيتنا لتنضفو
انا بخجل منها بكون عم باكل بقلها لا خلص انا بنفضو
تقلي اي وتضحك وتطلع
بكون بدي عايدها واتشكرها
بس ما بقدر لانو كنت باكل اللقمة بتمي

فبخلص وبجي بوقف جنب بابا البيت بلاقي صبايا كتير ومن بينهن هي
بقلهن الله يعطيكن ىالعافية وكل عام وانتوا بخير
وبشوف بنات يقولوا انو هنن من الجامعة بيدرسوا حقوق ومتطوعين يعملوا هيك

وبس

ابن عمي متوفي من فترة 5 سنين تقريبا
وعمي وعيلتو مسافرين وبالمنام ما بعرف انهن مسافرين
وبس

وانا بنت 21 سنة وربي يجزيكِ الخير