حلمت باللى كان خطيبى

من طرف Admin السبت 27 ديسمبر - 13:25

بصى ياماما انا كنت نايمه وانا مصليه العشا وقعدت استغفر ربنا ومكنتش بفكر فى اللى كان خطيبى ده ابدا ولا كان على بالى حتى ... المهم . حلمت ان انا كأنى متجوزاه وهو جوزى بس شايفه ان انا قاعده فى البيت اللى انا قاعده فيه دلوقتى فى اوضتى عادى وكان شعرى ناعم اوى اوى اوى وهو كان بيمسك شعرى علشان يعنى انه ناعم وكده وبعدين لاقيت ماما امال واختى مروة جايين أل يعنى علشان يزورونى وانا كنت فى الحلم متجوزه بقالى يجى اسبوع كده وبعدين ببص فى المرايا لاقيت شعر فى وشى فقولت ازاى انا متجوزه وسايبه الشعر فى وشى كده وقولت هشيله وبعدين استنيت لما اختى وماما يمشوا علشان اعمله انا بأيدى وبعدين ببص فىا لساعه لاقيت الساعه 12 وتلت بالظبط وقولت لما يمشوا هعمله وبعدين تقريبا بابا جه فى الحلم وانا كنت زعلانه منه ومعترضه انه مش بيصرف علينا واختى قالتلى انتى اتجوزتى وجوزك يصرف عليكى وسكتت وبعدين تقريبا اللى سمعته من بابا ان كل واحد يصرف على نفسه او مش هيصرف على اخواتى الصغيرين وماما فأنا بقيت قلقانه وزعلانه فى الحلم بس كنت مبسوطه ان انا اتجوزت بس جوزى فى الحلم كان خطيبى السابق وانا دلوقتى مش مخطوبه وهو اسمه سامح ...وقومت وحلمت تانى ان عمتى وكل قرايبى متجمعين وانا معلقه زينه فى البيت أل يعنى يوم عيد ميلادى وكان فى تورته وجاتوه بس ده اللى فكراه

حبيبتى فيه ماضى هيرجع تانى وهتسامحى فى حقك وطبعا هيكون الصلح خير وهتنالى امالك باذن الله وفيه فرحة لك قريبا ان شاء الله وفيه حاجة حلوة هتتم لك لانك عندك رقم 12 وهو اتمام لخير (ان عدة الشهور عند الله اثنى عشر شهرا )

من طرف Admin الأحد 28 ديسمبر - 13:54

الله يبشرك يارب بكل خير ياماما ويديكى الصحه

حلمت باللى كان خطيبى

حلمت باللى كان خطيبى

رد: حلمت باللى كان خطيبى

رد: حلمت باللى كان خطيبى